Expediente: IN407A 2022/224-1.
Solicitante/promotora: UFD Distribución Electricidad, S.A.
Denominación: instalación de telecontrol na LMT SMC-701-apoio AICAV3OX//51-10.
Concello: Cambre.
1. Características técnicas:
– Modificación, sen alterar a súa actual traza, do treito da liña SMC-701 autorizado no expediente 30.899, de 215,2 metros de lonxitude en condutor tipo LA-30, comprendido entre os seus apoios nº 51-9 (matrícula: AIAA2CXQ) de formigón tipo AM-AG-HVH-1600/13-CR1-CAI e nº 51-11 (matrícula: AIE8Q284) de formigón tipo AM-AG-NB-500/14-CR1-CAIII, consistente en:
– Substitución, respectando o seu actual emprazamento na parcela con referencia catastral 15017A062000230000MI cun lixeiro desprazamento cara ao apoio nº 51-11, do apoio nº 51-10 (matrícula: AICAV3OX) de formigón tipo AM-AG-HV-1000/12-CR1-CAIII, polo novo apoio metálico de celosía tipo AM-C-1000/14-H35-CA(CS), en que se proxecta a instalación dun reconectador telecontrolado composto por un equipo interruptor con cámara illada en SF6 e un armario de control.
– Retensado do condutor tipo LA-30 (condutor existente) nos vans da liña SMC-701 anterior e posterior ao novo apoio metálico proxectado, de 56,3 e 158,9 metros de lonxitude, respectivamente.
2. Lexislación de aplicación:
– Lei 39/2015, do 1 de outubro, do procedemento administrativo común das administracións públicas (BOE nº 236, do 2 de outubro).
– Lei 40/2015, do 1 de outubro, de réxime xurídico do sector público (BOE nº 236, do 2 de outubro).
– Lei 24/2013, do 26 de decembro, do sector eléctrico (BOE nº 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE nº 310, do 27 de decembro).
– Resolución do 19 de febreiro de 2014, da Consellería de Economía e Industria, pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG nº 54, do 19 de marzo de 2014).
– Lei do 16 de decembro de 1954, sobre expropiación forzosa (BOE nº 351, do 17 de decembro).
– Decreto do 26 de abril de 1957 polo que se aproba o Regulamento da Lei de expropiación forzosa (BOE nº 160, do 20 de xuño).
A relación concreta e individualizada dos bens e dereitos afectados que se considera de necesaria expropiación figura no anexo que se xunta ao presente acordo.
A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.
A documentación estará á disposición das persoas interesadas nas dependencias da Sección de Enerxía da Xefatura Territorial da Vicepresidencia Primeira e Consellería de Economía, Industria e Innovación da Coruña (rúa Vicente Ferrer, núm. 2, 2º andar, 15071 A Coruña), das 9.00 ás 14.00 horas, de luns a venres, así como no Concello. Isto faise público para coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos, sobre os bens afectados que fosen omitidos.
Poderán examinar a documentación técnica e, de ser o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da derradeira publicación deste acordo.
Ademais, poderase consultar no portal web da Vicepresidencia Primeira e Consellería de Economía, Industria e Innovación:
https://edicionportais.xunta.es/web/portal-cei-2014/transparencia/informacion-publica/en-tramitacion/instalacions-electricas-distribucion-e-transporte
A Coruña, 26 de abril de 2023
Isidoro Martínez Arca
Xefe territorial da Coruña
ANEXO
Instalación de telecontrol na LMT SMC-701-apoio AICAV3OX//51-10
Relación de bens e dereitos afectados-concello de Cambre
Parcela proxecto |
Propietario/titular |
Referencia catastral |
Lugar |
Afección pleno dominio |
LMT aérea-voo (servidume de paso de enerxía eléctrica) |
Natureza do terreo |
||
Nº do apoio |
Superficie (m²) |
Lonxitude (m) |
Superficie (m²) |
|||||
1 |
María Luisa Corral Rodríguez |
15017A062000230000MI polígono 62, parcela 23 |
Lugar de Meixigo |
Novo apoio nº 51-10 |
2 |
Rústico. Agrario. Labor ou labradío de secaño |