Mediante a Resolución reitoral do 7 de decembro de 2022 (DOG do 20 de decembro de 2022 e BOE do 27 de marzo de 2023), convocáronse probas selectivas para cubrir dúas prazas da categoría profesional de técnico/a especialista de medios audiovisuais, do grupo III, pola quenda de acceso libre. Finalizado o prazo de presentación de solicitudes,
RESOLVO:
Primeiro. Declarar aprobada e facer pública a listaxe provisional de persoas admitidas e excluídas pola quenda de acceso libre ás citadas probas.
Segundo. Indicar que a listaxe provisional de persoas aspirantes admitidas e excluídas está exposta no taboleiro electrónico da USC e na web:
https://www.usc.gal/gl/institucional/goberno/area/xestionpersoal/PAS/oep/listado
Terceiro. As persoas aspirantes excluídas ou que non figuren na relación de admitidas, dispoñen dun prazo de dez días hábiles, contados a partir do seguinte ao da publicación desta resolución no Diario Oficial de Galicia, para poder emendar os defectos que motivasen a exclusión ou a omisión.
Cuarto. Para emendar a exclusión ou omisión cubrirase o formulario de emendas do catálogo de procedementos na seguinte ligazón:
https://sede.usc.es/formularios/solicitudes/emendaSelecPersoalLaboral.htm
Quinto. As persoas aspirantes que, dentro do prazo sinalado, non emenden a exclusión ou aleguen a omisión, xustificando o dereito a ser incluídas na relación de persoas admitidas, serán definitivamente excluídas da realización das probas.
Sexto. Nomear, en aplicación da base 5.1 da convocatoria, o tribunal do proceso selectivo. Estará composto polas seguintes persoas:
• Tribunal titular:
Presidenta:
– Olga Fontán Maquieira, persoal laboral fixo do grupo III da USC.
Vogais:
– Andrés Docampo Darriba, persoal laboral fixo do grupo I da USC.
– Anxos Cabado Lourés, persoal laboral fixo do grupo III da USC.
– Manuel Fidalgo Espasandín, persoal laboral fixo do grupo III da USC.
Secretario:
– Javier Piñeiro Quintela, funcionario de carreira da escala de xestión da USC, que actuará con voz e voto.
• Tribunal suplente:
Presidente:
– Enrique Castelló Mayo, profesor titular de Universidade da USC.
Vocales:
– Mª Luisa Fernández Soilán, persoal laboral fixo do grupo III da USC.
– Pilar Riveiro López, persoal laboral fixo do grupo III da USC.
– Reyes Abad Castelos, persoal laboral fixo do grupo III da USC.
Secretario:
– José Manuel Caamaño Jerez, funcionario de carreira da escala administrativa da USC, que actuará con voz e voto.
Santiago de Compostela, 10 de maio de 2023
Antonio López Díaz
Reitor da Universidade de Santiago de Compostela