Expediente-e: IN407A 2022/227-1.

Promotora: UFD Distribución Electricidad, S.A.

Denominación da instalación: cambio de máquina a 160 kVA do CT 15A405 Villamorel, na parroquia de San Xoán de Vilamourel.

Concello: Paderne.

Feitos:

1) O día 8 de agosto do 2022, a empresa promotora solicita ante esta xefatura territorial a autorización administrativa previa e autorización administrativa de construción da dita instalación de distribución eléctrica, coa fin de ampliar a potencia do centro de transformación de intemperie existente CT Villamorel (15A405, expediente IN407A2016/593-1) de 100 kVA, mantido pola liña de distribución de media tensión LMT PED711, procedente da subestación Pedrido, por mor de ter cargas superiores ao 100 % da súa capacidade situado na parroquia de San Xoán de Vilamourel, concello de Paderne. Proxéctase o cambio de máquina por outra de 160 kVA e do apoio onde está instalado de formigón por un de tipo metálico de celosía.

Achegan o proxecto que inclúe memoria, planos e orzamento, ao abeiro do artigo 123 do Real decreto 1955/2000, que abrangue os seguintes documentos:

– Proxecto de execución nomeado: cambio de máquina a 160 kVA do CT 15A405 Villamorel, asinado o 22 de abril do 2022 por Sergio Rodríguez Rodríguez, enxeñeiro técnico industrial eléctrico con número colexial 482 de Ourense.

– Anexo: asinado o 31 de maio do 2022 por Javier Fernández Mitre, enxeñeiro industrial con número colexial 15.670 de Madrid.

2) O proxecto non se someteu ao trámite de información pública, segundo o artigo 50 da Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro).

3) Consonte os artigos 127.1 e 127.2 do Real decreto 1955/2000, de 1 de decembro, déuselles traslado ás distintas administracións, organismos ou, de ser o caso, empresas de servizo público ou de servizos de interese xeral afectadas dunha separata do proxecto, na parte na que a instalación puidese prexudicar bens e dereitos ao seu cargo, que contén as características da instalación e a documentación cartográfica correspondente. Solicitóuselles o preceptivo informe ao Concello de Paderne. A empresa promotora manifestou a súa conformidade co condicionado establecido polo organismo afectado, a saber, o concello.

4) O 28 de marzo de 2023 emitiuse o informe técnico.

Consideracións legais e técnicas:

1) O xefe territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia, no Decreto 73/2022, do 25 de maio, polo que se fixa a estrutura orgánica das vicepresidencias e das consellerías da Xunta de Galicia e no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación.

2) A lexislación aplicable neste expediente é a que de seguido se relaciona:

1. A Lei 24/2013, do 26 de decembro, do sector eléctrico.

2. O Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

3. O Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instruccións técnicas complementarias ITC-LAT 01 a 09.

4. O Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

5. O Real decreto 842/2002, do 2 de agosto, polo que se aproba o Regulamento electrotécnico para baixa tensión.

6. A Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro).

3) As características técnicas da instalación son as que a seguir se describen:

• Substitución do condutor en treito da LMTA a 15 kV de 43 metros, condutor tipo LA-56 Al, coa orixe no apoio número ASDPHPQU//98-9 existente da LMT PED711, procedente da subestación Pedrido e remate no apoio número ASC9D3AA//98-10-CT de formigón existente para substituír por un tipo C-14/2000.

• Repotenciación do CT Villamorel (15A405, expediente: IN407A 2016/593-1) de intemperie de 100 kVA con relación de transformación de 15.000/400-230 V, instalado no apoio número ASC9D3AA//98-10-CT para substituír. Novo trafo de 160 kVA e retirada do existente.

4) No expediente consta un informe favorable dos servizos técnicos desta xefatura territorial.

De acordo con todo o sinalado,

RESOLVO:

a) Conceder a autorización administrativa previa e a autorización administrativa de construción á dita instalación de distribución eléctrica.

b) A instalación executarase no prazo dun ano, contado a partir do día seguinte ao da publicación da presente resolución no Diario Oficial de Galicia.

c) Para a posta en funcionamento da instalación autorizada, deberá achegar ante esta xefatura territorial unha solicitude coa cal xuntará a seguinte documentación:

• As declaracións de conformidade relativas ao material ou equipamento e as certificacións ou homologacións, se procede.

• Un certificado do/a director/a da montaxe en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas oportunas na montaxe da instalación e posta a punto.

• Planimetría as built da instalación eléctrica en formato shape.

d) Esta aprobación outórgase sen prexuízo doutras que sexan de aplicación segundo a lexislación vixente, en especial as relativas á ordenación do territorio e ao ambiente.

Contra esta resolución, que non é definitiva en vía administrativa, poderase interpor recurso de alzada ante o vicepresidente primeiro e conselleiro de Economía, Industria e Innovación no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que as persoas interesadas poidan interpor calquera outro recurso que consideren axeitado.

Mediante este documento notifícaselle á empresa promotora esta resolución, segundo o exixido no artigo 40.1 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

A Coruña, 25 de abril do 2023

Isidoro Martínez Arca
Xefe territorial da Coruña