Mediante o Acordo da Xunta Local de Goberno, do 11 de abril de 2023, aprobouse inicialmente o seguinte estudo de detalle:

Tipo de instrumento:	Estudo de detalle.
Ámbito:	15004A019003280001UF e 15004A019003310001UF, no lugar de Papellas.
Instrumento que desenvolve:	Plan xeral de ordenación municipal de Ares.
Obxecto:	Ordenar volumes.
Clasificación e cualificación do solo, parcela 1:	Solo urbano. Ordenanza 6 «Edificación extensiva» grao B; e solo rústico. De protección de Infraestruturas. Plan especial (PE-8).

De conformidade co artigo 80.2 da Lei 2/2016, do 10 de febreiro, do solo de Galicia, así como no artigo 194.2 do seu regulamento, sométese o expediente a información pública por prazo dun mes contado desde o día seguinte ao da publicación do presente anuncio no Diario Oficial de Galicia e nun xornal dos de maior difusión na provincia.

Durante o período de información pública, quedará o expediente á disposición de calquera que queira examinalo, para os efectos de que se presenten as alegacións que se consideren pertinentes. Así mesmo, estará á disposición dos interesados na sede electrónica deste concello (enderezo https://concellodeares.com).

Así mesmo, suspéndese o outorgamento das seguintes licenzas nas áreas afectadas polo estudo de detalle e cuxas novas determinacións supoñan modificación do réxime urbanístico vixente, que son as seguintes:

Áreas obxecto de suspensión de licenzas:	Tipo de licenza.
Parcelas catastrais: 15004A019003280001UF e 15004A019003310001UF	Licenza de parcelamento de terreos, edificación e demolición.

A duración da suspensión terá unha duración máxima de dous anos. Este prazo interromperase, con levantamento da suspensión, se transcorrido un ano non se somete a exposición pública a proposta de plan.

Se transcorrido o devandito prazo non se presentaron alegacións, o documento será elevado para a súa aprobación definitiva, se procede.

Ares, 18 de abril de 2023

Julio I. Iglesias Redondo
Alcalde