Na Sala do Contencioso-Administrativo, Sección Terceira, do Tribunal Superior de Xustiza de Galicia, tramítase o recurso contencioso-administrativo (P.O. 7086/2023) seguido por instancia de Carmen Botana Cao, Ramón Couto López, José Cao Gómez e Ángel Iglesias Vilanova, contra a Resolución da Consellería do Medio Rural, do 30 de xaneiro de 2023, pola que se desestima o recurso de alzada interposto contra a resolución de inclusión dos núcleos rurais de Brandariz na zona de concentración parcelaria de Brandariz-Obra, sector Brandariz (Vila de Cruces-Pontevedra).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no tribunal no prazo de nove días contado desde a publicación deste anuncio, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Pontevedra, 24 de abril de 2023

Antonio Crespo Iglesias
Xefe territorial de Pontevedra