Expediente-e: IN407A 2022/156-1.

Promotora: UFD Distribución Electricidad, S.A.

Denominación da instalación: cambio de máquina a 100 kVA do CT 15A806 Casanova, no lugar da Casanova.

Concello: Curtis.

Feitos:

1. O día 5 de maio de 2022, a empresa promotora solicita ante esta xefatura territorial a autorización administrativa previa, autorización administrativa de construción e declaración de utilidade pública da dita instalación de distribución eléctrica. Con data 11 de agosto do 2022, UFD Distribución Electricidade, S.A. renuncia á declaración de utilidade pública e solicita continuar coa tramitación da autorización administrativa previa e de construción, coa fin de reforzar e mellorar a subministración que proporciona o centro de transformación con matrícula 15A806 Casanova de potencia 50 kVA, por causa de que se atopa sobrecargado no lugar da Casanova, concello de Curtis. Proxéctase a substitución do transformador por outro de 100 kVA.

Achegan o proxecto que inclúe memoria, planos e orzamento, ao abeiro do artigo 123 do Real decreto 1955/2000, que abrangue os seguintes documentos:

– Proxecto de execución nomeado: cambio de máquina a 100 kVA do CT 15A806 Casanova, asinado o 22 de abril de 2022 por Sergio Rodríguez Rodríguez, enxeñeiro técnico industrial coa especialidade en electricidade e número colexial 482 de Ourense.

– Anexo asinado o 7 de xuño do 2022 por Javier Fernández Mitre, enxeñeiro industrial con número colexial 15.670 de Madrid.

2. O proxecto non se someteu ao trámite de información pública, segundo o artigo 50 da Lei 9/2021, do 25 de febreiro, de simplificación administrativa e de apoio á reactivación económia de Galicia (DOG núm. 39, do 26 de febreiro).

3. Consonte os artigos 127.1 e 127.2 do Real decreto 1955/2000, do 1 de decembro, déuselles traslado ás distintas administracións, organismos ou, de ser o caso, empresas de servizo público ou de servizos de interese xeral afectadas dunha separata do proxecto, na parte na que a instalación puidera prexudicar a bens e dereitos ao seu cargo, que contén as características da instalación e a documentación cartográfica correspondente. Se lles solicitou o preceptivo informe ao Concello de Curtis. A empresa promotora manifestou a súa conformidade co condicionado establecido polo organismo afectado, a saber, o concello.

4. Con data 16 de febreiro de 2023 emitiuse o informe técnico.

Consideracións legais e técnicas:

1. O xefe territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia, no Decreto 73/2022, do 25 de maio, polo que se fixa a estrutura orgánica das vicepresidencias e das consellerías da Xunta de Galicia e no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación.

2. A lexislación que se vai aplicar neste expediente é a que de seguido se relaciona:

– A Lei 24/2013, do 26 de decembro, do sector eléctrico.

– O Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

– O Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instruccións técnicas complementarias ITC-LAT 01 a 09.

– O Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

– O Real decreto 842/2002, do 2 de agosto, polo que se aproba o Regulamento electrotécnico para baixa tensión.

– A Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro).

3. As características técnicas da instalación son as que a seguir se describen:

– LMTA a 15 kV, de 77 metros, condutor tipo LA-56 Al, coa orixe no apoio AXSPSL1F//9-23-6 existente da LMTA SDG709 e remate no apoio AXUFFO0U//9-23-7-CT proxectado.

– Substitución de trafo en CTI Casanova (15A806), cunha potencia de 50 kVA por un de 100 kVA e unha relación de transformación de 15.000/400 V. Cambio do apoio que alberga o centro de transformación que se vai substituír, con matrícula AXUFFO0U//9-23-7-CT. No seu lugar instalarase un apoio metálico de tipo celosía C-2000-14 (H35) para aloxar, deste xeito, a nova máquina proxectada.

4. No expediente consta un informe favorable dos servizos técnicos desta xefatura territorial.

De acordo con todo o sinalado,

RESOLVO:

a) Conceder a autorización administrativa previa e a autorización administrativa de construción á dita instalación de distribución eléctrica.

b) A instalación executarase no prazo dun ano, contado a partir do día seguinte ao da publicación da presente resolución no Diario Oficial de Galicia.

c) Para a posta en funcionamento da instalación autorizada, deberá achegar ante esta xefatura territorial unha solicitude coa cal xuntará a seguinte documentación:

– As declaracións de conformidade relativas ao material ou equipamento e as certificacións ou homologacións, se procede.

– Un certificado do/da director/a da montaxe en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas oportunas na montaxe da instalación e posta a punto.

– Planimetría as built da instalación eléctrica en formato shape.

d) Esta aprobación outórgase sen prexuízo doutras que sexan de aplicación segundo a lexislación vixente, en especial as relativas á ordenación do territorio e ao ambiente.

Contra esta resolución, que non é definitiva en vía administrativa, poderase interpor recurso de alzada ante o vicepresidente primeiro e conselleiro de Economía, Industria e Innovación no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que as persoas interesadas poidan interpor calquera outro recurso que consideren axeitado.

Mediante este documento notifícaselle á empresa promotora esta resolución, segundo o exixido no artigo 40.1 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

A Coruña, 3 de abril do 2023

Isidoro Martínez Arca
Xefe territorial da Coruña