O Pleno, na sesión do 30 de marzo de 2023, acordou:

Primeiro. Aprobar definitivamente o estudo de detalle para edificio comercial destinado a supermercado de alimentación e aparcadoiro na rúa Valle Inclán núm. 15, promovido por María Emilia Uz Prado, en nome de Mercadona, S.A., e redactado polo arquitecto Ramón Amadeo Facal Grobas, asinado dixitalmente o 7.10.2022.

Segundo. Publicar no prazo dun mes o acordo de aprobación definitiva no Diario Oficial de Galicia.

Terceiro. Publicar no Boletín Oficial da provincia de Pontevedra o documento que conteña a normativa e as ordenanzas.

Cuarto. Remitir o expediente, en soporte dixital, á consellería competente en materia de urbanismo, para a súa inscrición no Rexistro de Planeamento Urbanístico de Galicia, de conformidade co sinalado no artigo 88 da Lei do solo de Galicia.

Contra este acordo, que pon fin á vía administrativa, poderase interpor recurso contencioso-administrativo, no prazo de dous meses contado desde o día seguinte ao da publicación deste anuncio, perante o Tribunal Superior de Xustiza de Galicia, sen prexuízo de calquera outro recurso ou acción que se considere oportuno.

Vilagarcía de Arousa, 17 de abril de 2023

Alberto Varela Paz
Alcalde