Mediante a Orde do 21 de xaneiro de 2022 (DOG núm. 20, do 31 de xaneiro) a Consellería do Medio Rural regulou a aplicación dos pagamentos directos á agricultura e á gandaría e das axudas ao desenvolvemento rural suxeitas ao sistema integrado de xestión e control no ano 2022.

O artigo 13.8 da dita orde dispón que os informes de control de expedientes suxeitos a control mediante monitorización notificaranse segundo o indicado no artigo 27, que indica que as resolucións poderán ser notificadas de acordo co establecido na Lei 39/2015. De conformidade co artigo 45.1 da citada lei, a notificación poderá realizarse mediante a publicación no Diario Oficial de Galicia cunha ligazón á páxina web do Fogga.

Conforme co anterior, esta dirección

RESOLVE:

Primeiro. Dar publicidade na web do Fogga ás listaxes dos informes de control mediante monitorización citados na Orde do 21 de xaneiro de 2022. As persoas interesadas poden acceder á dita web no seguinte enlace:

https://fogga.xunta.gal/gl/pac/consultas_pac/monitorizacion

Segundo. Poñer a disposición das persoas interesadas os informes indicados no apartado primeiro mediante a aplicación para teléfonos móbiles Sga@pp, dispoñible en Google Play ou en App Store, e a páxina web Portal de axudas PAC a través do seguinte enlace:

https://fogga.xunta.gal/gl/pac/consultas_pac/portal_de_axudas_pac

Terceiro. As persoas interesadas disporán dun prazo de 10 días a partir do día seguinte ao desta publicación para formular as alegacións ou presentar os documentos ou xustificacións que xulguen pertinentes, consonte co que dispón o artigo 73 da Lei 39/2015, do 1 de outubro, do procedemento de administrativo común das administracións públicas.

Santiago de Compostela, 18 de abril de 2023

Silvestre José Balseiros Guinarte
Director do Fondo Galego de Garantía Agraria