De acordo co disposto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia, cando non se poida determinar a identidade da persoa responsable da xestión da biomasa vexetal e retirada de especies arbóreas prohibidas, cando se ignore o lugar de notificación ou cando, intentada esta, non poida practicarse a notificación, esta farase mediante un anuncio no Diario Oficial de Galicia, no Boletín Oficial del Estado e no taboleiro de anuncios do Concello, e conterá os datos catastrais da parcela.
A persoa responsable dispón dun prazo de quince días naturais para a realización dos traballos de xestión da biomasa nas parcelas indicadas.
Para coñecer o contido íntegro do acto que se notifica, a persoa interesada poderá comparecer no prazo de dez (10) días contados desde o día seguinte ao da publicación deste anuncio no Boletín Oficial del Estado, nas dependencias do Negociado de Medio Ambiente do Concello de Ferrol, sito na praza de Armas, s/n, das 9.00 ás 14.00 horas.
Transcorrido o dito prazo sen efectuarse a comparecencia, a notificación entederase producida desde o día seguinte ao da publicación no Boletín Oficial del Estado.
Contra a resolución, que pon fin á vía administrativa, poderase interpoñer recurso de reposición perante o órgano que a ditou nun prazo dun mes, de conformidade co establecido nos artigos 123 e 124 da Lei 39/2015, do procedemento administrativo común das administracións públicas, sen prexuízo da posibilidade de interpoñer directamente recurso contencioso-administrativo dentro do prazo de dous meses contados a partir do día seguinte ao da notificación, na forma prevista no artigo 46 da Lei 29/1988, reguladora da xurisdición contencioso-administrativa.
Ferrol, 28 de marzo de 2023
O alcalde
P.D. (Resolución do 8.7.2019; BOP núm.137, do 22 de xullo)
Ana Lamas Villar
Concelleira delegada da área de Servizos, Obras, Medio Ambiente,
Zona Rural e Participación Cidadá
ANEXO
Referencia/nº de expediente |
Referencia catastral |
Acto notificado |
Interesado/a |
INC 1/2021/429 2021033759 |
15037A03500758 |
Resolución do 22.11.2022 |
32617850D |