Visto o expediente para outorgamento da autorización administrativa previa e de construción da instalación eléctrica que a continuación se describe:

Peticionario: Begasa.

Domicilio social: rúa Aller Ulloa, 9, 27003 Lugo.

Denominación: soterramento de treito de LAT 20 kV Augas en Chaos.

Situación: concello de Lugo.

Características técnicas:

• Liña aérea de alta tensión a 20 kV Augas-treito 1, con orixe no apoio existente núm. 209948 e final no apoio 2 proxectado tipo C-4500-12, cunha lonxitude de 84 metros en condutor existente tipo LA-110.

• Liña aérea de alta tensión a 20 kV Augas-treito 2, con orixe no apoio núm. 3 proxectado tipo C-4500-12 en substitución do apoio 209946 e final no apoio A42795 existente, cunha lonxitude de 370 metros en condutor existente tipo LA-110.

• Liña soterrada de alta tensión a 20 kV Augas, con orixe nun paso aéreo a soterrado situado no apoio 2 proxectado tipo C-4500-12 e final noutro paso aéreo a soterrado situado no apoio 3 proxectado, cunha lonxitude de 280 metros en condutor tipo HEPRZ1-240 mm.

Finalidade da instalación: mellora de instalacións.

Orzamento: 52.981,43 euros.

Documentación que se xunta:

• Separata para o concello de Lugo.

• Separata para a CHMS.

Esta xefatura territorial, de acordo coas competencias que resultan do Decreto 116/2022, do 23 de xuño, polo que se establece a estrutura orgánica da consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción ás ditas instalacións, sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución e a dirección de obra deberá realizala un técnico competente.

Segunda. O peticionario asegurará o mantemento e vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberán cumprirse as normativas e directrices vixentes que sexan de aplicación, en particular, canto establece a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada ante o vicepresidente primeiro e conselleiro de Economía, Industria e Innovación no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente en dereito.

Lugo, 21 de marzo de 2023

Gustavo José Casasola de Cabo
Xefe territorial de Lugo