O Pleno da Corporación do Concello de Santiago de Compostela na sesión ordinaria, que tivo lugar o 28 de febreiro de 2023, adoptou o seguinte acordo:
Primeiro. Aprobar definitivamente o estudo de detalle para a dotación de accesibilidade aos inmobles de vivenda colectiva emprazados na praza de Ultreia, formulado de oficio polo Concello de Santiago, segundo o documento elaborado polo arquitecto Juan Pinto Tasende, presentado o día 15 de febreiro de 2023.
Segundo. Aprobar definitivamente a delimitación espacial do ámbito da actuación sobre o medio urbano, cos efectos regulados nos artigos 24 e 42.3 do Real decreto lexislativo 7/2015 e 13.2 da Lei 1/2019 de rehabilitación, rexeneración e renovación urbanas de Galicia.
A aprobación definitiva implica a declaración de utilidade pública e a necesidade de ocupación dos bens e dereitos afectados, e delimitánse os terreos de necesaria ocupación no plano O.02 do estudo de detalle.
A aprobación do estudo de detalle implica tamén a desafectación dos terreos de dominio público que sexa preciso ocupar para a instalación de ascensores ou outros elementos que garantan a accesibilidade universal.
Ao abeiro do disposto polo artigo 13.5 da precitada Lei 1/2019, acórdase que as actuacións dirixidas á mellora das condicións de accesibilidade e da eficiencia enerxética previstas no estudo de detalle non computarán para os efectos de edificabilidade, volume máximo edificable e ocupación de parcela, nin de distancias mínimas a lindeiros, outras edificacións, espazos públicos e vías públicas, ou cumprimento de aliñacións.
O acordo de aprobación definitiva publicarase no Diario Oficial de Galicia, e a normativa urbanística publicarase no Boletín Oficial da provincia. Así mesmo, remitirase á Consellería de Medio Ambiente, Territorio e Vivenda a documentación exixida polo artigo 88.3 da LSG, para os efectos de inscribir o estudo de detalle no Rexistro de Planeamento Urbanístico de Galicia.
En todo caso, e de conformidade co exixido polo artigo 199.4 do RLSG, a eficacia do acto de aprobación definitiva e a entrada en vigor do Plan quedan condicionadas ao cumprimento dos anteriores trámites e ao sinalado no artigo 70.2 da Lei 7/1985, do 2 de abril, de bases do réxime local, en relación co 65.4 da mesma lei.
Contra o acordo de aprobación definitiva do citado estudo de detalle, poderase interponer directamente recurso contencioso-administrativo ante o Tribunal Superior de Xustiza de Galicia no prazo de dous meses, contado a partir do día seguinte ao da publicación deste anuncio.
Santiago de Compostela, 7 de marzo de 2023
O alcalde
P.D. (DEC/4742/2019, do 17 de xuño)
Mercedes Rosón Ferreiro
Concelleira delegada de Urbanismo, Vivenda e Cidade Histórica