O director da Axencia de Protección da Legalidade Urbanística ditou, o día 14 de febreiro de 2023, unha resolución pola que se impón unha terceira multa coercitiva (COR/214/2015-C1), derivada do expediente de reposición da legalidade urbanística COR/214/2015-RP1, á persoa titular do documento nacional de identidade número 44805035-T e aos herdeiros da persoa titular do documento nacional de identidade número 33137444-X, como consecuencia de incumprir o ordenado na Resolución do 1 de outubro de 2018 que ordenaba a demolición e a reposición dos terreos afectados ao estado anterior ao inicio das obras levadas a cabo, no lugar de Trasariz, nº 2, parroquia de San Fins de Sales, no termo municipal de Vedra, provincia da Coruña, e a reposición dos terreos afectados ao estado anterior ao inicio das obras.
Ao non poder realizar a notificación persoal desta resolución, mediante este anuncio, e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselles ás persoas interesadas a dita resolución por medio dun anuncio publicado no Boletín Oficial del Estado (BOE).
En cumprimento do disposto no artigo 46 da Lei 39/2015, do 1 de outubro, do procedemento administrativo común das administracións públicas, as persoas interesadas poderán comparecer, no prazo de dez (10) días hábiles contados desde o seguinte ao da publicación deste anuncio no BOE, nas dependencias da Axencia de Protección da Legalidade Urbanística, sitas no Edificio Witland, 1º andar, Salgueiriños, en Santiago de Compostela, das 9.00 ás 14.00 horas, de luns a venres, para o coñecemento íntegro da dita resolución e constancia del tal coñecemento. Transcorrido o dito prazo sen efectuar a comparecencia, a notificación entenderase producida.
Contra esta resolución, que pon fin á vía administrativa, as persoas interesadas poderán interpoñer recurso de reposición no prazo dun mes, contado a partir do día seguinte a aquel en que se producise a notificación, perante o director da Axencia de Protección da Legalidade Urbanística, e signifícaselles que o recurso unicamente será admisible por motivos de infracción do ordenamento inherentes á imposición desta multa coercitiva, sendo motivo de non admisión a reiteración das mesmas razóns que se esgrimiron ou puideron esgrimirse fronte á resolución da cal este acordo é un mero acto de execución.
No caso de que non exerzan o seu dereito a presentar recurso potestativo de reposición, poden interpoñer directamente recurso contencioso-administrativo, no prazo de dous meses, perante o xulgado do contencioso-administrativo en cuxa circunscrición se sitúe o inmoble afectado, conforme o disposto no artigo 14.1, regra terceira, da Lei 29/1998, reguladora da xurisdición contencioso-administrativa.
Para que conste e lles sirva de notificación ás persoas interesadas, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino este anuncio.
Santiago de Compostela, 28 de marzo de 2023
Jacobo Hortas García
Director da Axencia de Protección da Legalidade Urbanística
