O director da Axencia de Protección da Legalidade Urbanística, o día 21 de febreiro de 2023, ditou resolución pola que se dispón a execución subsidiaria pola Axencia de Protección da Legalidade Urbanística, con cargo á obrigada, do ordenado na Resolución do 28 de setembro de 2017, do director da Axencia de Protección da Legalidade Urbanística, mediante a demolición das obras consistentes na construción dunha vivenda sen vinculación a explotación agropecuaria, na parcela de referencia catastral 15072A029019480000PB, situada no lugar de Río Sieira-O Barrento, parroquia de Caamaño, no concello de Porto do Son, provincia da Coruña, e a reposición dos terreos afectados ao estado anterior ao inicio da actuación ilegal.

Ao non poderse realizar a notificación persoal desta resolución á persoa titular do documento nacional de identidade número 53799335N, mediante este anuncio, e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle á persoa interesada a devandita resolución por medio dun anuncio publicado no Boletín Oficial del Estado.

Tendo en conta que, en atención ao previsto no artigo 46 da Lei 39/2015, do 1 de outubro, do procedemento administrativo común das administracións públicas, o acto non se publica na súa integridade, fáiselle saber á persoa interesada que o texto íntegro da resolución que se notifica encóntrase ao seu dispor nas dependencias da Axencia de Protección da Legalidade Urbanística sitas no Edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación deste anuncio no Boletín Oficial del Estado. Transcorrido o dito prazo, a notificación entenderase producida.

Contra a dita resolución, que pon fin á vía administrativa, a persoa interesada pode interpoñer recurso de reposición no prazo dun mes, contado a partir do día seguinte a aquel en que se teña producido a notificación, ante o director da Axencia de Protección da Legalidade Urbanística, significándolle que o recurso unicamente será admisible por motivos de infracción do ordenamento xurídico inherentes á execución subsidiaria.

No caso de non exercer o seu dereito a presentar recurso potestativo de reposición, poderá interpoñer directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición radique o inmoble afectado, conforme o disposto no artigo 14.1, regra terceira, da Lei 29/1998, reguladora da xurisdición contencioso-administrativa.

Para que conste, e lle sirva de notificación á persoa interesada en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino este anuncio.

Santiago de Compostela, 24 de marzo de 2023

Jacobo Hortas García
Director da Axencia de Protección da Legalidade Urbanística