Visto o expediente para outorgamento de autorización administrativa previa e autorización administrativa de construción da instalación eléctrica que a seguir se describe:

Solicitante: Xunta de Compensación UE Industrial II-03.

Domicilio social: Ricardo Mella-Santo André de Comesaña, Vigo.

Denominación: LMT, 2 CCTT unidade de execución UE Industrial II-03 Santo André de Comesaña.

Situación: Vigo.

Caractéristicas técnicas:

LMT subterránea, a 15 kV, con condutor RHZ1, de 652 metros de lonxitude, con orixe e final na LMT BAL7071544, entre os centros de transformación Vicalsa 36PMW5 e Caramuxo 36CMW13, facendo entrada e saída nos centros de transformación proxectados 1 e 2.

Centro de transformación CT-1, a 630 kVA, con RT 15 kV/400 V.

Centro de transformación CT-2, a 630 kVA, con RT 15 kV/400 V.

A instalación está situada no ámbito da unidade de execución UE industrial II-03, na avenida Ricardo Mella (Santo André de Comesaña), no concello de Vigo.

Consideracións legais:

A Xefatura Territorial de Pontevedra é competente para resolver este expediente con fundamento no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación (DOG nº 126, do 4 de xullo), e no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG nº 22, do 1 de febreiro).

Polo que antecede, cumpridos os trámites ordenados na Lei 24/2013, do 26 de decembro, do sector eléctrico, e no capítulo II do título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 5/2017, do 19 de outubro, de fomento da implantación de iniciativas empresariais en Galicia, DOG nº 203, do 25 de outubro, esta xefatura territorial

Resolve:

Outorgar á entidade Xunta de Compensación UE Industrial II-03, autorización administrativa previa e autorización administrativa de construción para a devandita instalación, cuxas características se axustarán en todas as súas partes ás que figuran no proxecto de execución e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.

Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra a presente resolución, que non é definitiva en vía administrativa, cabe interpoñer recurso de alzada ante o vicepresidente primeiro e conselleiro de Economía, Industria e Innovación da Xunta de Galicia no prazo dun mes, contado a partir do día seguinte ao da notificación ou publicación desta resolución, conforme o establecido no artigo 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Pontevedra, 15 de marzo de 2023

Beatriz López del Olmo
Xefa territorial de Pontevedra