A Xunta de Goberno local, en sesión do 9 de marzo de 2023, aprobou inicialmente o Plan especial de infraestruturas e dotacións para a implantación dun xardín municipal no Concello de Soutomaior, datado en xaneiro de 2023, redactado pola consultora técnica Arqyur, S.C.

De acordo co previsto no artigo 75.1.a) da Lei 2/2016, do 10 de febreiro, do solo de Galicia, sométese a información pública a documentación do Plan especial de infraestruturas e dotacións para a implantación dun xardín municipal no Concello de Soutomaior, polo prazo de dous meses contados a partir do día seguinte ao da publicación deste anuncio no Diario Oficial de Galicia.

Durante o dito período quedará o expediente á disposición de calquera que queira examinalo ou obter copias para que se presenten as alegacións que se consideren pertinentes, e estará á disposición dos/das interesados/as na sede electrónica deste concello: http://soutomaior.sedelectronica.es

Soutomaior, 16 de marzo de 2023

Agustín Reguera Ocampo
Alcalde