De conformidade coa proposta elevada pola Comisión nomeada para xulgar o concurso para a provisión de prazas dos corpos docentes universitarios, convocados mediante a Resolución desta universidade do 2 de decembro de 2022 (BOE do 12 de decembro), e presentada polas persoas interesadas a documentación a que fai referencia a base novena da convocatoria,

Esta reitoría, en uso das atribucións conferidas polo artigo 65 da Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril (BOE do 13 de abril), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolve efectuar o nomeamento das persoas que se relacionan no anexo.

O citado nomeamento producirá plenos efectos a partir da correspondente toma de posesión polas persoas interesadas, que se deberá efectuar no prazo máximo de vinte (20) días, contados desde o día seguinte ao da publicación desta resolución no Boletín Oficial del Estado.

Contra esta resolución, que pon fin á vía administrativa, poderase interpoñer recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous meses contados desde o seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición, no prazo dun mes, ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 28 de marzo de 2023

Antonio López Díaz
Reitor da Universidade de Santiago de Compostela

ANEXO

Nº concurso	Nome	Apelidos	DNI	Corpo docente	Área de coñecemento	Departamento	Localidade	Código praza
6C/23	Antonio Javier	Ferreira Fernández	***0682**	Catedrático/a de universidade	Dereito Administrativo	Dereito Público e Teoría do Estado	Santiago de Compostela	A00683
12C/23	Alberto	Rojo Alboreca	***0540**	Catedrático/a de universidade	Enxeñaría Agroforestal	Enxeñaría Agroforestal	Lugo	A00689
15C/23	María Amparo	Alfonso Rancaño	***0350**	Catedrático/a de universidade	Farmacoloxía	Farmacoloxía, Farmacia e Tecnoloxía Farmacéutica	Lugo	A00692
16C/23	María José	López Couso	***5383**	Catedrático/a de universidade	Filoloxía Inglesa	Filoloxía Inglesa e Alemá	Santiago de Compostela	A00693
17C/23	Laura María	Lojo Rodríguez	***8458**	Catedrático/a de universidade	Filoloxía Inglesa	Filoloxía Inglesa e Alemá	Santiago de Compostela	A00694
18C/23	María Belén	Méndez Naya	***4821**	Catedrático/a de universidade	Filoloxía Inglesa	Filoloxía Inglesa e Alemá	Santiago de Compostela	A00695
20C/23	María Esther	Corral Díaz	***5166**	Catedrático/a de universidade	Filoloxía Románica	Filoloxía Galega	Santiago de Compostela	A00697
24C/23	Juan José	Saborido Silva	***5370**	Catedrático/a de universidade	Física Atómica, Molecular e Nuclear	Física de Partículas	Santiago de Compostela	A00701
25C/23	Gonzalo	Míguez Macho	***9151**	Catedrático/a de universidade	Física da Materia Condensada	Física de Partículas	Santiago de Compostela	A00702
26C/23	Jesús Manuel	Mosqueira Rey	***9224**	Catedrático/a de universidade	Física da Materia Condensada	Física de Partículas	Santiago de Compostela	A00703
31C/23	José Miguel	Andrade Cernadas	***5061**	Catedrático/a de universidade	Historia Medieval	Historia	Santiago de Compostela	A00708