En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:
Solicitante: UFD Distribución Electricidad, S.A.
Domicilio social: avenida San Luis, nº 77, 28033 Madrid.
Denominación: peche de LMTA REG803 e REG804 en CT 32C547.
Situación: concellos de Montederramo e Xunqueira de Espadanedo.
Características principais recollidas no proxecto:
• LMTA, a 20 kV, de 1634 m de lonxitude, dobre circuíto, en condutor LA-110, con orixe no apoio proxectado núm. D93 da LMTA REG803/REG804 e final no apoio proxectado núm. 108 da LMTA REG803/REG804.
• LMTS, a 20 kV, de 1.100 m de lonxitude, dobre circuíto, en condutor RHZ1-2OL 12/20 kV 3×(1×240), con orixe no dobre paso A/S que se realizará no apoio proxectado núm. 108 da LMTA REG803/REG804 e final no centro de transformación existente CT32C547-Xunqueira de Espadanedo.
Adecuación do centro de transformación existente CT32C547-Xunqueira de Espadanedo, coa instalación de catro celas de liña, unha cela de acoplamento e unha cela de protección do transformador.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación, para os efectos da expropiación forzosa, dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro técnico industrial Antonio Javier Sabín Vázquez, colexiado núm. 2.233 do Coeticor, o 9.10.2022.
2. A relación concreta e individualizada dos propietarios de bens e de dereitos afectados, que figura no anexo a este acordo.
3. Os planos parcelarios do proxecto.
O que se fai público, para o coñecemento xeral, así como, en particular, dos propietarios dos predios que figuran na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Toda a documentación poderá examinarse nesta Xefatura Territorial da Vicepresidencia Primeira e Consellería de Economía, Industria e Innovación en Ourense, rúa Curros Enríquez, nº 1, 32003 Ourense, e na seguinte ligazón web da consellería:
http://ceei.xunta.gal/transparencia/documentos-sometidos-a-informacion-publica
Ourense, 8 de marzo de 2023
Alicia María López Míguez
Xefa territorial de Ourense
ANEXO
Relación de bens e de dereitos afectados
Núm. de expediente: IN407A 2023/017-3.
Situación: concellos de Montederramo e Xunqueira de Espadanedo.
Denominación: peche de LMTA REG803 e REG804 en CT 32C547.
Predio núm. en proxecto: 2; referencia catastral: 32050A008000510000LU.
Lugar: Aradas.
Cultivo: prado.
Titular: Antonio Gómez García.
Afeccións: ocupación de 963 m2 de servidume de voo.
Predio núm. en proxecto: 4; referencia catastral: 32038A038000110000KQ.
Lugar: Derroxas.
Cultivo: prado.
Titular: Amable Méndez Gómez.
Afeccións: apoio/CT: ocupación de 2 m2 para o apoio núm. 95.
Predio núm. en proxecto: 5; referencia catastral: 32038A038000100000KG.
Lugar: Penedo do Lobo.
Cultivo: monte baixo.
Titular: Sergio Fernández Ferreiro.
Afeccións: apoio/CT: ocupación de 2 m2 para o apoio núm. 96.
Predio núm. en proxecto: 8; referencia catastral: 32038A036000440000KE.
Lugar: Pena da Malla.
Cultivo: monte baixo.
Titular: descoñecido.
Afeccións: apoio/CT: ocupación de 6 m2 para os apoios núm. 100, 101 e 102.
