Segundo o artigo 44 da Lei 39/2015, do 1 de outubro, do procedemento administrativo común das administracións públicas, a publicación no Boletín Oficial del Estado resulta preceptiva «Cando os interesados nun procedemento sexan descoñecidos, se ignore o lugar da notificación ou ben cando, intentada esta, non se puidese efectuar...». Para dar cumprimento ao disposto nese artigo, mediante o presente anuncio convócanse todas as persoas interesadas e, particularmente, as relacionadas no anexo que segue a este escrito ao acto de levantamento das actas previas á ocupación dos bens e dereitos afectados pola instalación eléctrica denominada LMT, CTI e RBT Pexegueiros, no concello de Oza-Cesuras (expediente IN407A 2022/44-1), acto que se realizará, en primeiro lugar, sobre o terreo para a toma de datos e posterior redacción definitiva das actas nas dependencias municipais do mencionado concello, seguindo o calendario e horario que se sinalan no cadro anexo que máis abaixo se detalla.

Ao acto deberán comparecer as persoas titulares dos bens ou dereitos afectados por si ou representadas por persoa debidamente autorizada, e exhibirán o seu DNI/NIF e os documentos acreditativos da titularidade.

A Coruña, 20 de marzo de 2023

Isidoro Martínez Arca
Xefe territorial da Coruña

ANEXO

Expediente: IN407A 2022/44-1

Solicitante: UFD Distribución Electricidad, S.A.

Denominación: LMT, CTI e RBT Pexegueiros.

Concello: Oza-Cesuras.

Nº de predio	Concello	Lugar	Pol.	Parcela	Titulares	Data	Hora
2	Oza-Cesuras	Agra Pelada	504	24	José Sánchez Sánchez e María Josefa Suárez Varela Notificación infrutuosa	4.5.2023	10.30