BDNS (Identif.): 684045.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo pode consultarse na Base de datos nacional de subvencións https://www.infosubvenciones.es/
bdnstrans/GE/es/convocatoria
Primeiro. Persoas beneficiarias
Alumnado que está matriculado en titulacións oficiais de grao ou mestrado oficial da Universidade de Vigo no curso académico 2022/23.
Segundo. Obxecto
O obxectivo que se persegue é que estudantado universitario de calquera titulación oficial poida completar a súa formación mediante a realización de prácticas académicas, tanto curriculares como extracurriculares, no ámbito rural, en zonas con problemas de despoboamento, residindo nel, coñecéndoo en profundidade e convivindo e colaborando coa súa xente, de modo que poidan velo como un lugar de oportunidades para o desenvolvemento do seu futuro profesional.
Terceiro. Bases reguladoras
Resolución pola que se convocan as bolsas para realizar prácticas universitarias no medio rural no curso académico 2022/23.
Cuarto. Contía
A contía total do crédito destinado a estas axudas é de setenta e nove mil trinta e catro con vintecinco euros (79.034,25 €).
Quinto. Prazo de presentación de solicitudes
Desde o 27 de marzo ata o 14 de abril de 2023.
Vigo, 24 de marzo de 2023
O reitor da Universidade de Vigo
P.D. (Resolución do 22.6.2022, DOG do 6 de xullo)
Natalia Caparrini Marín
Vicerreitora de Estudantado e Empregabilidade