Unha vez elaborada a versión inicial do documento do Plan de xestión de residuos industriais de Galicia 2023-2030 (Priga) e de conformidade co establecido no artigo 54.4 da Lei 1/2021, do 8 de xaneiro, de ordenación do territorio de Galicia, e ao realizar a consellería tramitadora a súa aprobación inicial mediante a Resolución do 31 de marzo de 2023, antes de redactar a proposta definitiva do plan sométese o documento ao trámite de información pública durante o prazo de dous meses, contados desde o día seguinte ao da publicación deste anuncio no DOG. Durante este tempo os/as interesados/as poden efectuar as alegacións que consideren oportunas.
O documento está á disposición dos/das interesados/as no seguinte enderezo da sede electrónica da Xunta de Galicia:
https://transparencia.xunta.gal/participacion-plans-programas
As achegas, suxestións ou observacións dirixiranse ao Servizo de Residuos.
Santiago de Compostela, 31 de marzo de 2023
María Sagrario Pérez Castellanos
Directora xeral de Calidade Ambiental, Sostibilidade
e Cambio Climático