Anúnciase a convocatoria dun curso de formación de observadores en pesca de baixura que os capacite para a realización das tarefas de mostraxe a bordo en actividades pesqueiras, coa finalidade de crear unha bolsa de traballadores cualificados e dispoñibles para realizar as funcións de observación a bordo, que permita complementar o actual equipo.
As bases da convocatoria poderán consultarse no portal web da Consellería do Mar, no enderezo https://mar.xunta.gal/gl/o-sector/redemar, desde o mesmo día da publicación deste anuncio no Diario Oficial de Galicia.
O prazo para a presentación das solicitudes será de vinte (20) días naturais, contados a partir do día seguinte ao da publicación deste anuncio.
Os sucesivos anuncios desta convocatoria, cando procedan e de conformidade coas bases, publicaranse no portal web corporativo da Consellería do Mar, no enderezo https://mar.xunta.gal/gl/o-sector/redemar
Santiago de Compostela, 22 de marzo de 2023
Susana Rodríguez Carballo
Directora xeral de Desenvolvemento Pesqueiro