Antecedentes.
Mediante a Resolución do 6 de febreiro de 2023 aprobouse o Plan de pesca da anguía para as confrarías de pescadores da ría de Arousa, para a tempada 2023.
O número 2 da devandita resolución establece:
«2. Período.
O período autorizado será desde o 1 de maio ata o 31 de outubro de 2023».
A presente modificación estivo suxeita ás consultas ao sector afectado e á súa posterior conformidade por parte da Federación Provincial de Confrarías de Pescadores de Pontevedra e da Confraría de Pescadores de Rianxo.
Con base nisto, esta consellería
RESOLVE:
Modificar o numero 2 da Resolución do 6 de febreiro de 2023 pola que se autoriza o Plan de pesca da anguía para as confrarías de pescadores da ría de Arousa, tempada 2023, que queda redactado como segue:
«2. Período.
O período autorizado será desde o 1 de abril ata o 30 de setembro de 2023».
A presente resolución non modifica o resto das condicións establecidas no plan.
Contra esta resolución, que esgota a vía administrativa, poderase interpor recurso de reposición no prazo dun mes, contado desde o día seguinte ao da súa notificación, ante a conselleira do Mar, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 10 de marzo de 2023
A conselleira do Mar
P.D. (Orde do 21.2.2022; DOG núm. 41, do 1 de marzo)
Antonio Basanta Fernández
Director xeral de Pesca, Acuicultura e Innovación Tecnolóxica