En cumprimento do disposto no artigo 6 do Real decreto 975/2009, do 12 de xuño, sobre xestión dos residuos das industrias extractivas e de protección e rehabilitación do espazo afectado por actividades mineiras, sométese ao trámite de información pública o proxecto de rehabilitación e abandono definitivo de labores da concesión de explotación Vilachán núm. 2763 (PO/C/02763), situada nos termos municipais de Oia e Tomiño, da provincia de Pontevedra, denominado Proxecto refundido de restauración de solos e zonas afectadas pola minaría na explotación Vilachán núm. 2763, Oia e Tomiño, Pontevedra (código Gal7) con cargo ao investimento i3 restauración de ecosistemas e infraestrutura verde do compoñente 4 do Plan de recuperación, transformación e resiliencia (PRTR), financiado pola Unión Europea-NextGeneration EU, elaborado pola Empresa de Transformación Agraria, S.A. (Tragsa) por encargo a medio propio personificado realizado pola Vicepresidencia Primeira e Consellería de Economía, Industria e Innovación a Tragsa na data 2.11.2022, a seu favor, dada a súa situación de abandono.
Todas aquelas persoas ou entidades que se consideren afectadas poderán examinar o expediente no portal da Vicepresidencia Primeira e Consellería de Economía, Industria e Innovación (http://ceei.xunta.gal/transparencia/documentos-sometidos-a-informacion-publica), e alegar por escrito todo o que crean oportuno, achegándoas en calquera oficina das previstas no artigo 16.4 da Lei 39/2015, do 1 de outubro, do procedemento administrativo común das administracións públicas. Para iso terán un prazo de trinta (30) días hábiles, que comezará o día seguinte ao da súa publicación no Diario Oficial de Galicia, segundo o establecido no artigo 6 do Real decreto 975/2009, do 12 de xuño, sobre xestión dos residuos das industrias extractivas e de protección e rehabilitación do espazo afectado por actividades mineiras.
Pontevedra, 10 de marzo de 2023
Beatriz López del Olmo
Xefa territorial de Pontevedra