Expediente: IN407A 2022/250-1.
Solicitante/promotora: UFD Distribución Electricidad, S.A.
Denominación: LMT, CT e RBT Larín de Arriba.
Concello: Arteixo.
1. Características técnicas:
– Centro de transformación prefabricado de formigón, compacto de manobra exterior, de 250 kVA de potencia, relación de transformación 15/0,4-0,23 kV e configuración de celas 2L+1P, con equipamento de telecontrol e telexestión e cadro de baixa tensión con catro (4) saídas, para instalar na parcela con referencia catastral 15005A035002360000PB sita no lugar de Larín de Arriba (termo municipal de Arteixo).
– Liña eléctrica de media tensión soterrada, a 15 kV, de 2×282 metros de lonxitude en condutor tipo RHZ1-2OL 12/20 kV 3(1×240 mm² Al), con orixe e remate nos empalmes MT, para realizar na nova arqueta proxectada na estrada DP-0507 sobre a LMTS LAR-707 existente no treito comprendido entre o paso aéreo-soterrado (PA/S) existente no apoio nº 31 (matrícula A7PW08UJ) da LMT aérea LAR-707 (expediente 27.210) e o CS Anide (expediente 31.240/matrícula 15CKK9), tras entrar e saír no novo CT proxectado.
– Instalación de tres (3) circuítos soterrados de baixa tensión (RBTS), de 193 metros de lonxitude, en condutor tipo XZ1 0,6/1 kV 4(1×240 mm² Al), con orixe no cadro de baixa tensión (CBT) do CT proxectado e remate nos tres (3) pasos soterrado-aéreos (PS/A) proxectados nos apoios de formigón tipo HV-630/11 e HV-250/9 existentes e no novo apoio de formigón tipo HV-630/11 proxectado nos cales se conectará coa rede de baixa tensión aérea existente.
– Reforzo de 1.119 metros da rede de baixa tensión aérea (RBTA), consistente na substitución do condutor tipo RZ 0,6/A kV 3(1×50 mm² Al) existente polos novos condutores tipo RZ 0,6/1 kV 3(1×95/54,6 mm² Al/Alm) e RZ 0,6/1 kV 3(1×150/80 mm² Al/Alm).
2. Lexislación de aplicación:
– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
– Lei 40/2015, do 1 de outubro, de réxime xurídico do sector público (BOE núm. 236, do 2 de outubro).
– Lei 24/2013, do 26 de decembro, do sector eléctrico (BOE núm. 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).
– Resolución do 19 de febreiro de 2014, da Consellería de Economía e Industria, pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).
– Lei do 16 de decembro de 1954, sobre expropiación forzosa (BOE núm. 351, do 17 de decembro).
– Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).
A relación concreta e individualizada dos bens e dereitos afectados que se considera de necesaria expropiación figura no anexo que se xunta a este acordo.
A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.
A documentación estará á disposición das persoas interesadas nas dependencias da Sección de Enerxía da Xefatura Territorial da Vicepresidencia Primeira e Consellería de Economía, Industria e Innovación da Coruña (rúa Vicente Ferrer, núm. 2, 2º andar, 15071 A Coruña), das 9.00 ás 14.00 horas, de luns a venres, así como no Concello. Isto faise público para coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos, sobre os bens afectados que fosen omitidos.
Poderán examinar a documentación técnica e, de ser o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da derradeira publicación deste acordo.
Ademais, poderase consultar no portal web da Vicepresidencia Primeira e Consellería de Economía, Industria e Innovación:
https://edicionportais.xunta.es/web/portal-cei-2014/transparencia/informacion-publica/en-tramitacion/instalacions-electricas-distribucion-e-transporte
A Coruña, 23 de febreiro de 2023
Isidoro Martínez Arca
Xefe territorial da Coruña
ANEXO
LMT, CT e RBT Larín de Arriba
Relación de bens e dereitos afectados-termo municipal de Arteixo
|
Parcela proxecto |
Propietario/titular |
Referencia catastral |
Lugar |
Afección pleno dominio |
LMT soterrada (servidume de paso de enerxía eléctrica) |
Natureza do terreo |
||
|
CT/nº do apoio |
Superficie (m²) |
Lonxitude (m) |
Superficie (m²) |
|||||
|
1 |
Inmobiliaria Pontegadea |
15005A035002360000PB Polígono 35, parcela 236 |
Tallo |
CT e acceso |
20,83 |
Rústico agrario |
||
