Mediante Resolución desta alcaldía, do 7 de marzo de 2023, aprobouse inicialmente o estudo de detalle para reordenación de volumes na avenida Rodrigo de Mendoza, s/n, esquina rúa Ramón Cabanillas, promovido por ORV Contrataciones de Galicia, S.L. e redactado polo arquitecto Carlos Berride Abalo, asinado dixitalmente o 17.1.2023.
Conforme o establecido no artigo 80 da Lei 2/2016, do 10 de febreiro, do solo de Galicia, o estudo estará exposto ao público, na Xerencia de Urbanismo, durante o prazo dun mes, contado a partir do día seguinte ao da publicación deste anuncio no Diario Oficial de Galicia, e nese prazo poden presentarse reclamacións ou alegacións.
O documento inicialmente aprobado pode consultarse no taboleiro de anuncios da sede electrónica do Concello (http://sede.vilagarcia.gal).
Vilagarcía de Arousa, 8 de marzo de 2023
Alberto Varela Paz
Alcalde