Unha vez aprobada inicialmente polo Pleno municipal, en sesión do 21 de decembro de 2022, a modificación puntual núm. 1 do Plan xeral de ordenación municipal do Concello das Somozas, para aumentar a dotación de solo industrial, en cumprimento dese acordo e das prescricións contidas no artigo 60 da Lei 2/2016, do 10 de febreiro, do solo de Galicia, sométese o expediente á información pública polo prazo de dous (2) meses, mediante o anuncio que se publicará no Diario Oficial de Galicia, no xornal La Voz de Galicia, así como na sede electrónica deste concello: https://assomozas.sedelectronica.gal, contados desde o día seguinte ao da publicación deste anuncio no Diario Oficial de Galicia. Durante o período de información pública quedará o expediente á disposición de calquera que queira examinalo, para os efectos de que se presenten as alegacións que se consideren pertinentes, no seguinte enderezo:
https://assomozas.es/documentacion-de-la-modificaciond-el-pxom-del-concello-de-as-somozas/
A aprobación inicial comporta a suspensión do outorgamento de licenzas nas áreas afectadas pola modificación do PXOM. A duración máxima da suspensión será de dous anos.
As Somozas, 27 de febreiro de 2023
Juan Alonso Tembrás
Alcalde