Expediente: IN407A 2022/125-1.
Solicitante/promotora: UFD Distribución Electricidad, S.A.
Denominación: instalación de telecontrol en LMT MEL-707, apoio ATHSS3TD/74-1.
Concello: Arzúa.
1. Características técnicas:
– Modificación do treito autorizado no expediente 50.019 da LMT a 15 kV MEL-707 grupo escolar Arzúa 7, procedente da subestación Melide, consistente na substitución, respectando o seu actual emprazamento, do apoio nº 74-1 (matrícula: ATHSS3TD) de formigón tipo AL-S-HV-250/14-B2-CSRI, polo novo apoio metálico tipo AM-C-1000/16-H35-CA, e no retensado do van de 72,5 metros de lonxitude en condutor tipo LA-30 (condutor existente) comprendido entre o apoio nº 74 (matrícula: ATHDT8U4) existente e o novo apoio nº 74-1 proxectado e do van de 111,7 metros de lonxitude en condutor tipo LA-30 (condutor existente) comprendido entre o novo apoio nº 74-1 proxectado e o apoio nº 74-2 (matrícula: ATIMHGNA) existente.
– Instalación de interruptor telecontrolado no apoio nº 74-1 proxectado.
2. Lexislación de aplicación:
– Lei 39/2015, do 1 de outubro, do procedemento administrativo común das administracións públicas (BOE nº 236, do 2 de outubro).
– Lei 40/2015, do 1 de outubro, de réxime xurídico do sector público (BOE nº 236, do 2 de outubro).
– Lei 24/2013, do 26 de decembro, do sector eléctrico (BOE nº 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE nº 310, do 27 de decembro).
– Resolución do 19 de febreiro de 2014, da Consellería de Economía e Industria, pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG nº 54, do 19 de marzo de 2014).
– Lei do 16 de decembro de 1954, sobre expropiación forzosa (BOE nº 351, do 17 de decembro).
– Decreto do 26 de abril de 1957 polo que se aproba o Regulamento da Lei de expropiación forzosa (BOE nº 160, do 20 de xuño).
A relación concreta e individualizada dos bens e dereitos afectados que se considera de necesaria expropiación figura no anexo que se xunta ao presente acordo.
A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.
A documentación estará á disposición das persoas interesadas nas dependencias da Sección de Enerxía da Xefatura Territorial da Vicepresidencia Primeira e Consellería de Economía, Industria e Innovación da Coruña (rúa Vicente Ferrer, nº 2, 2º andar, 15071 A Coruña), das 9.00 ás 14.00 horas, de luns a venres, así como no concello. Isto faise público para coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos, sobre os bens afectados que fosen omitidos.
Poderán examinar a documentación técnica e, de ser o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da derradeira publicación deste acordo.
Ademais, poderase consultar no portal web da Vicepresidencia Primeira e Consellería de Economía, Industria e Innovación:
https://edicionportais.xunta.es/web/portal-cei-2014/transparencia/informacion-publica/en-tramitacion/instalacions-electricas-distribucion-e-transporte.
A Coruña, 22 de febreiro de 2023
Isidoro Martínez Arca
Xefe territorial da Coruña
ANEXO
Relación de bens e dereitos afectados
Instalación de telecontrol en LMT MEL-707, apoio ATHSS3TD/74-1. Concello de Arzúa
Parcela proxecto |
Propietario/titular |
Referencia catastral |
Lugar |
Afección pleno dominio (LMT aérea-apoios) |
LMT aérea-voo (servidume de paso de enerxía eléctrica) |
Natureza do terreo |
||
Nº do apoio |
Superficie (m2) |
Lonxitude |
Superficie (m2) |
|||||
1 |
Carmen Pena Vázquez |
Polígono 503, parcela 171 |
Caselle |
74-1 |
2 |
Rústico agrario |