Expediente: IN407A 2022/322-1.

Solicitante/promotor: UFD Distribución Electricidad, S.A.

Denominación: LMT, CT e RBT Santaia de Probaos.

Concello: Oza-Cesuras.

Características técnicas:

– Centro de transformación prefabricado de formigón tipo rural fin de liña, compacto de manobra exterior, de 100 kVA de potencia, relación de transformación 15/0,4-0,23 kV e configuración de celas 1L+1P, que se instalará na parcela con referencia catastral 15026A508000860000MA, sita no lugar das Galanas, Santaia de Probaos (concello de Oza-Cesuras).

– Modificación, respectando o seu actual trazado, do treito autorizado no expediente 50.455 da liña CES-705, consistente na substitución do apoio núm. 55-15 (matrícula: ANLJVKML) de formigón tipo HV-400/13-CR1-CA (cs)I, polo novo apoio metálico tipo A-AG-C-1000/14-H-35-CA (cs)III.

– Retensado do condutor tipo LA-30 (condutor existente) nos vans da liña CES-705 anterior e posterior ao novo apoio núm. 55-15 proxectado.

– Instalación no novo apoio núm. 55-15 proxectado, dun paso aero-soterrado (PA/S) dotado de xogo de pararraios autoválvulas e dun interruptor telecontrolado.

– Liña eléctrica de media tensión soterrada, a 15 kV, de 366 metros de lonxitude en condutor tipo RHZ1-2OL 12/20 kV 3 (1×150 mm² Al), con orixe no paso aero-soterrado anterior e remate en cela de liña do CT proxectado.

– Instalación de dous (2) circuítos soterrados de baixa tensión (RBTS), de 86 metros de lonxitude, en condutor tipo XZ1 0,6/1 kV 4 (1×240 mm2 Al), con orixe no cadro de baixa tensión (CBT) do CT proxectado e remate nos dous (2) pasos soterrado-aéreos (PS/A) proxectados en apoio de formigón tipo HV-630/11 existente.

– Instalación de dous (2) circuítos aéreos de baixa tensión (RBTA), de 424 metros de lonxitude, en condutores tipo RZ 0,6/1 kV 3 (1×50/54,6 mm2 Al/Alm) e RZ 0,6/1 kV 3 (1×95/54,6 mm2 Al/Alm) con orixe en pasos soterrado-aéreos (PS/A) anteriores e remate nos acoplamentos coa rede de baixa tensión aérea existente.

Lexislación de aplicación:

– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

– Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

– Resolución do 19 de febreiro de 2014, pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo).

– Lei do 16 de decembro de 1954, sobre expropiación forzosa (BOE núm. 351, do 17 de decembro).

– Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta a este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará á disposición das persoas interesadas nas dependencias da Sección de Enerxía da Xefatura Territorial da Vicepresidencia Primeira e Consellería de Economía, industria e Innovación da Coruña (rúa Vicente Ferrer, núm. 2, 2º andar, 15071 A Coruña), das 9.00 ás 14.00 horas, de luns a venres, así como no Concello. Isto faise público para coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos, sobre os bens afectados que fosen omitidos.

Poderán examinar a documentación técnica e, de ser o caso, achegar as alegacións ou observacións que consideren axeitadas, no prazo de 30 días, contados a partir do día seguinte ao da última publicación deste acordo.

Ademais, poderase consultar no portal web da Vicepresidencia Primeira e Consellería de Economía, Industria e Innovación:

https://edicionportais.xunta.es/web/portal-cei-2014/transparencia/informacion-publica/en-tramitacion/instalacions-electricas-distribucion-e-transporte

A Coruña, 22 de febreiro de 2023

Isidoro Martínez Arca
Xefe territorial da Coruña

ANEXO

LMT, CT e RBT Santaia de Probaos.

Relación de bens e dereitos afectados-concello de Oza-Cesuras.

Parcela proxecto	Propietario/titular	Referencia catastral	Lugar	Afección pleno dominio (LMT, CT e/ou apoios)		LMT soterrada (servidume de paso de enerxía eléctrica)		Natureza do terreo
				CT/núm. do apoio	Superficie (m2)	Lonxitude (m)	Superficie (m2)
1	Elena García Suárez e Pedro Díaz Sanjurjo	Polígono 508, parcela 84	Rueiro	Novo apoio 55-15	2			Rústico agrario
2	Antonio Cao López e Mercedes Sánchez Bujía	Polígono 508, parcela 86	Da Casa	CT e acceso	24,75			Rústico agrario