En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coa instalación que se describe a seguir:

Solicitante: UFD Distribución Electricidad, S.A.

Domicilio social: avenida de San Luis, nº 77, 28033 Madrid.

Denominación: instalación de reconectador TC no apoio nº B3UTEUIR//34. Celanova (Ourense).

Situación: concello de Celanova.

Características principais recollidas no proxecto:

• Substitución do apoio existente núm. B3UTEUIR//34 de tipo HV por un novo apoio proxectado de celosía metálica do tipo C-16/2000 en que se instala un novo reconectador seccionador. Desmontaxe do elemento de manobra existente XS, situado no apoio existente núm. B3UNFC4D//34-B-1 do tipo HVH.

• Instalación de 33 m de novo condutor LA-56, en substitución do condutor existente, entre o apoio proxectado núm. B3UTEUIR//34 e o apoio existente núm. B3V4E76E//34-A-1, así como entre o apoio proxectado núm. B3UTEUIR//34 e o apoio existente núm. B3UNFC4D//34-B-1.

O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.

Documentación que se expón:

1. O proxecto de execución, asinado polo enxeñeiro técnico industrial Tito Arias Santos, colexiado núm. LE-1010 do COIILE, o 28 de xullo de 2022.

2. A relación concreta e individualizada dos propietarios de bens e de dereitos afectados, que figura no anexo a este acordo.

3. Os planos parcelarios do proxecto.

O que se fai público para o coñecemento xeral, así como, en particular, dos propietarios dos predios que figuran na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.

Toda a documentación poderase examinar nesta Xefatura Territorial da Vicepresidencia Primeira e Consellería de Economía, Industria e Innovación en Ourense, rúa Curros Enríquez, nº 1, 32003 Ourense, e na seguinte ligazón web da consellería:

http://ceei.xunta.gal/transparencia/documentos-sometidos-a-informacion-publica

Ourense, 10 de febreiro de 2023

Alicia María López Míguez
Xefa territorial de Ourense

ANEXO

Relación de bens e de dereitos afectados

Núm. de expediente: IN407A 2023/010-3.

Situación: concello de Celanova.

Denominación: instalación de reconectador TC no apoio nº B3UTEUIR//34.

Predio núm. en proxecto: 1; referencia catastral: 32025A114001190000PF.

Lugar: Amoroce.

Cultivo: matogueira-pasto.

Titular: monte comunal de Amoroce.

Afeccións: ocupación de 2 m2 para o apoio núm. 34.