De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de ser intentada sen éxito a notificación persoal a través do servizo de Correos, emprázase a persoa interesada que se sinala no anexo deste anuncio para ser notificada, por comparecencia, do acordo de inicio do procedemento de perda do dereito ao cobramento total da axuda para a creación de empresas para o apoio aos investimentos nas explotacións agrícolas para o ano 2018.
A persoa interesada poderá comparecer nas oficinas do Servizo de Explotacións e Asociacionismo Agrario, da Dirección Xeral de Gandaría, Agricultura e Industrias Agroalimentarias, Consellería do Medio Rural (Edificio Administrativo San Caetano, Santiago de Compostela), de luns a venres, das 9.00 ás 14.00 horas, para o coñecemento íntegro da dita resolución e a constancia de tal coñecemento.
Esta resolución esgota a vía administrativa e contra ela a persoa interesada poderá interpoñer, potestativamente, o recurso de reposición ante o conselleiro do Medio Rural, no prazo dun mes ou directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses. Todo isto consonte o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e os artigos 10 e 46 da Lei 29/1998, do 13 de xullo, reguladora da xurisdición contencioso-administrativa. Ambos prazos computaranse a partir do día seguinte ao da notificación desta resolución, sen prexuízo de que a persoa interesada poida exercer calquera outro dereito que consideren pertinente. A eficacia do acto administrativo queda supeditada á súa publicación no taboleiro de edictos único do Boletín Oficial del Estado (BOE), polo que o dito prazo para presentar os recursos se contará a partir do día seguinte ao da publicación deste anuncio no BOE.
Santiago de Compostela, 23 de febreiro de 2023
Silvestre José Balseiros Guinarte
Director xeral de Gandaría,
Agricultura e Industrias Agroalimentarias
ANEXO
Procedemento: axudas para o apoio aos investimentos nas explotacións agrícolas (procedemento MR405A).
Acto de notificación: resolución pola que se declara a perda do dereito ao cobramento total da axuda.
Persoa para notificar:
Expediente número: 15/00604/18.
DNI da persoa interesada: 78811497L.