Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva cando os interesados nun procedemento sexan descoñecidos, se ignore o lugar da notificación ou ben intentada esta, non se puidese practicar, mediante este anuncio notifícase a todas as persoas interesadas a declaración de utilidade pública do proxecto de regulamentación LMTA BCR807 no tramo entre os apoios nº 144 e nº 177 (Cervantes), segundo se sinala no cadro anexo.

Ademais, infórmase de que o expediente correspondente á instalación de referencia está á súa disposición durante un prazo de trinta (30) días nas dependencias da Xefatura Territorial da Vicepresidencia Primeira e Consellería de Economía, Industria e Innovación de Lugo, na rolda da Muralla, nº 70, 2º baixo (Servizo de Enerxía e Minas).

O proxecto tamén se poderá consultar no portal web da Vicepresidencia Primeira e Consellería de Economía, Industria e Innovación na seguinte ligazón:

https://economia.xunta.gal/transparencia/instalacions-electricas/cervantes2

Lugo, 22 de febreiro de 2023

Gustavo José Casasola de Cabo
Xefe territorial de Lugo

ANEXO

Expediente: IN407A 2022/219-2.

Denominación: regulamentación LMTA BCR807 no tramo entre os apoios nº 144 e nº 177 (Cervantes).

Concello: Cervantes.

Declaración de utilidade pública

Referencia catastral					Propietario/a	Apoio
Nº predio	Polígono	Parcela	Lugar	Cultivo	Nome e apelidos	Nº	m2
8	16	133	Seara	Monte alto	Mariana Araújo	158	2,0
17	132	486	Encima dos prados	Monte baixo	Descoñecido	167	2,0
22	126	49	Coba	Monte alto	Descoñecido	176	2,0