En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:

Solicitante: UFD Distribución Electricidad, S.A.

Domicilio social: avenida San Luis, 77, 28033 Madrid.

Denominación: LMTA, CTI e RBTA Cerval.

Situación: lugar Cerval, concello de Amoeiro.

Características principais recollidas no proxecto:

LMT aérea, a 20 kV, de 379 m de lonxitude, en condutor LA-56 con orixe no apoio existente núm. 52-28-30-7 do tipo C-14/2000 da SAC805 e remate no apoio proxectado de tipo C-14/3000 no cal se instala o centro de transformación á intemperie proxectado.

Centro de transformación á intemperie proxectado que se vai instalar sobre o apoio proxectado núm. 3 de tipo C-14/3000 con potencia aparente 50 kVA e R/T 20.000/400 V.

O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.

Documentación que se expón:

1. O proxecto de execución, asinado polo enxeñeiro técnico industrial Antonio Javier Sabín Vázquez, colexiado núm. 2.233 do Coeticor, o 28.11.2022.

2. A relación concreta e individualizada dos propietarios de bens e de dereitos afectados, que figura no anexo a este acordo.

3. Os planos parcelarios do proxecto.

O que se fai público, para o coñecemento xeral, así como, en particular, dos propietarios dos predios que figuran na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.

Toda a documentación poderase examinar nesta Xefatura Territorial da Vicepresidencia Primeira e Consellería de Economía, Industria e Innovación en Ourense, rúa Curros Enríquez, núm. 1, 32003 Ourense, e na seguinte ligazón web da Consellería:

http://ceei.xunta.gal/transparencia/documentos-sometidos-a-informacion-publica

Ourense, 27 de xaneiro de 2023

Alicia María López Míguez
Xefa territorial de Ourense

ANEXO

Relación de bens e dereitos afectados

Núm. de expediente: IN407A 2023/002-3.

Termo municipal: Amoeiro.

Denominación da instalación: LMTA, CTI e RBTA Cerval.

Predios			Propietarios	Afección apoio ao CTC		Servidume de voo
Nº	Lugar	Cultivo	Nome e apelidos	Nº	Superficie ocupada (m2)	Lonx. MTS	Sup. afectada m2
4	Fonte	Labradío	Hdros. de Eladio González Novoa			19	255
5	Fonte	Labradío	Hdros. de Manuel González Novoa			20	255
9	Pozo	Labradío	José Araujo Leal			27	437
10	Pozo	Labradío	Descoñecido			10	114
19	Tarruxeiras	Labradío	Hdros. de Manuel González Novoa			12	199
22	Tarruxeiras	Labradío	María del Carmen Fernández González				39
23	Cos da Vila	Labradío	Hdros. de Eladio González Novoa	2	1	36	539
26	Cruz da Vila	Labradío	Hdros. de Eladio González Novoa			5	105
27	Lameiro	Labradío	María Castro Conde			30	521
28	Lameiro	Labradío	Hdros. de Auria González Fernández			43	523
30	Lameiro	Prado	María Belén Dopazo Rodríguez			18	210