O Pleno da corporación, na sesión extraordinaria que tivo lugar o día 16 de febreiro de 2023, adoptou, entre outros, o seguinte acordo:

Primeiro. Inadmitir a trámite a reclamación de nulidade presentada o día 12 de xaneiro de 2023 por Carburantes Lugo, S.L.

Segundo. Aprobar definitivamente a modificación puntual do título III do PXOM para a regulación de usos, segundo o documento elaborado polos servizos técnicos de planeamento e xestión urbanística en febreiro de 2023.

O acordo de aprobación definitiva publicarase no Diario Oficial de Galicia e a normativa urbanística publicarase no Boletín Oficial da provincia. Así mesmo, remitirase á Consellería de Medio Ambiente, Territorio e Vivenda a documentación exixida polo artigo 88.3 da LSG, para os efectos de inscribir a modificación do PXOM no Rexistro de Planeamento Urbanístico de Galicia.

En todo caso, de conformidade co exixido polo artigo 199.4 do RLSG, a eficacia do acto de aprobación definitiva e a entrada en vigor do plan quedan condicionadas ao cumprimento dos anteriores trámites e ao sinalado no artigo 70.2 da Lei 7/1985, do 2 de abril, de bases do réxime local, en relación co 65.4 da mesma lei.

Contra o acordo da aprobación definitiva da citada modificación do PXOM poderase interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses, contados a partir do día seguinte ao da publicación deste anuncio.

Santiago de Compostela, 17 de febreiro de 2023

O alcalde
P.D. (DEC/4742/2019, do 17 de xuño)
Mercedes Rosón Ferreiro
Concelleira delegada de Urbanismo, Vivenda e Cidade Histórica