Expediente: IN407A 2021/194-1.

Promotora: UFD Distribución Electricidad, S.A.

Denominación da instalación: modificado M1. Recuamento LMT PED705.

Concello: Miño.

Feitos:

1. O 9 de setembro de 2022, a empresa promotora solicitou a autorización administrativa previa e a autorización administrativa de construción do proxecto de execución da dita instalación de distribución eléctrica, co fin de facilitar a reposición do servizo en caso de incidencia por ser unha zona de difícil acceso e evitar avarías por afección do humidal no lugar de Bañobre, concello de Miño. Proxéctase o soterramento duns tramos aéreos (PED7055067, PED7054985, PED7055073 e PED7055078) da liña de distribución LMT PED705, procedente da subestación Pedrido, desmantelando os ditos tramos, e instálanse novas liñas soterradas e un centro de seccionamento.

Achegan o proxecto que inclúe memoria, planos e orzamento, ao abeiro do artigo 123 do Real decreto 1955/2000, que abrangue os seguintes documentos:

– Proxecto de execución denominado modificado M1. Recuamento LMT PED705, asinado por Victoriano Gónzalez Lemos, enxeñeiro técnico industrial, esp. electricidade, nº de colexiado 2.980 de Vigo, o 26 de agosto de 2022, con nº de visado 22201895 do 29 de agosto de 2022.

2. O proxecto non se someteu ao trámite de información pública, segundo o artigo 50 da Lei 9/2021, do 25 de febreiro, de simplificación administrativa e de apoio á reactivación económia de Galicia (DOG núm. 39, do 26 de febreiro).

3. Consonte os artigos 127.1 e 127.2 do Real decreto 1955/2000, do 1 de decembro, déuselles traslado ás distintas administracións, organismos ou, de ser o caso, empresas de servizo público ou de servizos de interese xeral afectadas dunha separata do proxecto, na parte en que a instalación puidera prexudicar a bens e dereitos ao seu cargo, que contén as características da instalación e a documentación cartográfica correspondente. Soliciouselle o preceptivo informe ao Concello de Miño, Augas de Galicia, Deputación Provincial da Coruña, Audasa, Servizo de Urbanismo, Ministerio de Fomento e Patrimonio Cultural da Coruña. A día desta resolución, non consta no expediente resposta dos organismos requiridos agás da Deputación Provincial da Coruña, polo que segundo o artigo 127 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, enténdese a súa conformidade coa autorización da instalación. Por outra banda, a empresa promotora manifestou a súa conformidade cos condicionados emitidos pola Deputación Provincial da Coruña.

4. Con data do 19 de xaneiro de 2023, foi emitido o preceptivo informe técnico.

Consideracións legais e técnicas:

1. O xefe territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia, no Decreto 73/2022, do 25 de maio, polo que se fixa a estrutura orgánica das vicepresidencias e das consellerías da Xunta de Galicia, e no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación.

2. A lexislación que se vai aplicar neste expediente é a que de seguido se relaciona:

a) A Lei 24/2013, do 26 de decembro, do sector eléctrico.

b) O Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

c) O Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

d) O Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

e) O Real decreto 842/2002, do 2 de agosto, polo que se aproba o Regulamento electrotécnico para baixa tensión.

f) A Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro).

3. As características técnicas da instalación son as que a seguir se describen:

– LMTS (actuación 1) a 15 kV, de 1.558 m, condutor tipo RHZ1-2OL 12/20 kV 1×240 mm2 Al, con orixe na arqueta proxectada ao carón do apoio nº APL60MS3 (tramo PED7055039) da LMT PED705, procedente da subestación Pedrido, e remate no CT bombeo Bañobre (15CGDW, IN407A 372/09), logo de facer E/S no CS proxectado.

– LMTS (actuación 2) a 15 kV, de 22 m, condutor tipo RHZ1-2OL 12/20 kV 1×240 mm2 Al, con orixe na arqueta existente ao pé da LMT PED705 e remate no apoio nº AP APS7GC14 (2 HV 1600/14 CR) existente (refaise o PA/S neste apoio).

– LMTS (actuación 3) a 15 kV, de 28 m, condutor tipo RHZ1-2OL 12/20 kV 1×240 mm2 Al, con orixe no CS proxectado e remate no apoio C-2000/16 existente da derivada ao CT grupo escolar (15ACVL) LMT PED705.

– Desmantelamento dos tramos aéreos PED7055067, PED7054985, PED7055073 e PED7055078 da LMT PED705.

– CS para dar subministración á derivada ao CT grupo escolar (15ACVL) compacto prefabricado e configuración 3L (2 telecontroladas).

4. No expediente consta un informe favorable dos servizos técnicos desta xefatura territorial.

De acordo con todo o sinalado,

RESOLVO:

1. Conceder a autorización administrativa previa e a autorización administrativa de construción á dita instalación de distribución eléctrica.

2. A instalación executarase no prazo dun ano, contado a partir do día seguinte ao da publicación da presente resolución no Diario Oficial de Galicia.

3. Para a posta en funcionamento da instalación autorizada, deberá achegar ante esta xefatura territorial unha solicitude coa cal xuntará a seguinte documentación:

I. As declaracións de conformidade relativas ao material ou equipamento, e as certificacións ou homologacións, se procede.

II. Un certificado do/da director/a da montaxe en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas oportunas na montaxe da instalación e posta a punto.

4. Esta aprobación outórgase sen prexuízo doutras que sexan de aplicación segundo a lexislación vixente, en especial as relativas á ordenación do territorio e ao ambiente.

Contra esta resolución, que non é definitiva en vía administrativa, poderase interpor recurso de alzada ante o vicepresidente primeiro e conselleiro de Economía, Industria e Innovación no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que as persoas interesadas poidan interpor calquera outro recurso que consideren axeitado.

Mediante este documento notifícaselle á empresa promotora esta resolución, segundo o exixido no artigo 40.1 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

A Coruña, 27 de xaneiro de 2023

Isidoro Martínez Arca
Xefe territorial da Coruña