O plan de estudos da titulación de grao en Enxeñaría Mecánica pola Universidade de Vigo foi publicado no Boletín Oficial del Estado do 11 de xaneiro de 2013, unha vez establecido o carácter oficial do título polo Acordo do Consello de Ministros do 12 de novembro de 2010, publicado mediante a Resolución da Secretaría Xeral de Universidades do 22 de novembro de 2010 (BOE do 16 de decembro).
De conformidade co que dispón o Real decreto 822/2021, do 28 de setembro, polo que se establece o procedemento para a modificación de plans de estudo xa verificados, e tras obter o informe favorable da Axencia para a Calidade do Sistema Universitario de Galicia á solicitude da Universidade de Vigo de modificación do plan de estudos da titulación de grao en Enxeñaría Mecánica, esta reitoría
RESOLVE:
Publicar o plan de estudos conducente á obtención do título universitario oficial de graduado ou graduada en Enxeñaría Mecánica pola Universidade de Vigo, que se recolle no anexo desta resolución.
Vigo, 8 de febreiro de 2023
Manuel Joaquín Reigosa Roger
Reitor da Universidade de Vigo