O 2.1.2023 a Dirección Xeral de Planificación Enerxética e Recursos Naturais ditou resolución pola que se outorgaron as autorizacións administrativas previa e de construción e se declarou a utilidade pública, en concreto, para a infraestrutura eléctrica denominada LAT 132 kV San Martín-Carucedo DAR AP100, no concello de Rubiá (Ourense), e que promove UFD Distribución Electricidad, S.A. (expediente IN407A 2022/91-3).

De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, mediante este anuncio emprázanse as persoas interesadas que figuran no anexo deste anuncio, para seren notificadas por comparecencia, por non ter sido posible practicar a notificación prevista na citada norma por resultar descoñecidos os seus enderezos.

As persoas interesadas ou os seus representantes legais deberán comparecer no prazo de dez (10) días hábiles, contados desde o día seguinte ao da publicación deste anuncio, nas dependencias da Dirección Xeral de Planificación Enerxética e Recursos Naturais, sitas no Edificio Administrativo San Caetano, s/n, bloque 5, 4º andar, en Santiago de Compostela, das 9.00 ás 14.00 horas, de luns a venres. A eficacia deste anuncio queda supeditada á súa publicación no taboleiro de edictos único (TEU) do Boletín Oficial del Estado.

Transcorrido o prazo indicado no parágrafo anterior sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

Santiago de Compostela, 3 de xaneiro de 2023

Pablo Fernández Vila
Director xeral de Planificación Enerxética e Recursos Naturais

ANEXO

Acordo: declaración de utilidade pública, en concreto, da LAT 132 kV San Martín-Carucedo DAR AP100.

Concellos afectados: Rubiá (Ourense).

Propietario	Predio				Afección
	Nº	Concello	Lugar	Cultivo	Nº apoio	Superficie ocupada (m2)
Abad Rodríguez Antonio	1	Rubiá	Pinguela	Monte alto	100N	13,39