De conformidade cos artigos 44 e 46.1 da Lei 39/2015, do 1 de outubro, do procedemento administrativo común das administracións públicas, intentouse sen efecto a notificación do acto que se indica por causas non imputables á Administración.
Ao non ser posible a práctica da comunicación a que se refire o número 2 do artigo 22 da Lei 3/2007, do 9 de abril, de prevención e defensa contra os incendios forestais de Galicia, aos titulares das parcelas que se relacionan a continuación, por causas non imputables a esta administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, faise pública a comunicación de xestión da biomasa.
Publícase este anuncio no Diario Oficial de Galicia (DOG) e no Boletín Oficial del Estado (BOE) para que sirva de notificación á persoa interesada, advertíndolle de que no caso de persistir o incumprimento, tras o transcurso de quince días hábiles desde a publicación no BOE, procederase á execución subsidiaria dos traballos e á exacción do importe ao que ascende a liquidación provisional, sen prexuízo da liquidación definitiva que proceda unha vez finalizados , de ser o caso , os traballos de execución subsidiaria.
A totalidade do expediente está á súa disposición no Concello de Coirós (lugar de Coirós de Arriba, 16, 15316 Coirós, A Coruña). Igualmente, poderá acceder a través da sede electrónica desta entidade.
Considerando que o artigo 22.3 da Lei 3/2007, do 9 de abril, de prevención e defensa contra os incendios forestais de Galicia, establece que, cando non se puidese determinar a identidade da persoa responsable da xestión da biomasa vexetal e retirada de especies arbóreas prohibidas ou resultase infrutuosa a notificación da comunicación, efectuarase mediante un anuncio no Boletín Oficial del Estado e no Diario Oficial de Galicia, dos datos catastrais da parcela.
Considerando que o artigo 22.4 da Lei 3/2007, do 9 de abril, de prevención e defensa contra os incendios forestais de Galicia, posibilita este concello para a execución subsidiaria en caso de incumprimento dos traballos de xestión de biomasa, repercutindo os custos ás persoas responsables.
Considerando que o artigo 22.6 da Lei 3/2007, do 9 de abril, de prevención e defensa contra os incendios forestais de Galicia, establece a obriga das persoas responsables de facilitar os necesarios accesos ás entidades responsables dos traballos de xestión da biomasa, que non requirirán de ningunha autorización para a execución subsidiaria da xestión da biomasa nas redes de faixas de xestión.
Acto que se notifica: orde de execución (expediente 2022/V001/000001).
Interesada: Herminda Pato Pardo.
Referencia catastral: 1569620NH7819N0001AG (polígono 15696-parcela 20).
Superficie do predio: 1.971m². Superficie afectada: 1.971m² (0,20 Has).
Prazo: 15 días naturais (desde publicación no BOE).
Liquidación provisional: 2.550 €.
Coirós, 23 de decembro de 2022
Francisco Quintela Requeijo
Alcalde presidente