Mediante oficio remitido polo Tribunal Superior de Xustiza de Galicia (TSXG) no procedemento ordinario número 7357/2022 orixinado polo recurso contencioso-administrativo interposto por María Silvina Orosa Vázquez contra a resolución da solicitude de revisión de oficio do acordo de concentración parcelaria da zona de Vilapedre (Vilalba-Lugo), ordenouse á Consellería do Medio Rural que proceda a notificar a resolución que acorde a remisión do expediente administrativo e a emprazar cantas persoas resulten interesadas no procedemento para que poidan comparecer como demandadas.
De conformidade co disposto no artigo 45.1.a) da Lei 39/2015, do 1 de outubro, do procedemento administrativo común das administracións públicas, e por existir unha pluralidade indeterminada de persoas interesadas no procedemento referido, notifícaselles a estas, por medio do presente anuncio, a resolución pola que se acorda o dito emprazamento e a remisión do expediente ao dito tribunal.
Deste xeito, e segundo o establecido no artigo 49.1 da Lei 29/1998, do 13 de xullo, da xurisdición contencioso-administrativa, as persoas interesadas poden comparecer ante o dito tribunal como demandadas no prazo de nove días.
O contido da resolución incorpórase a este anuncio como anexo
Lugo, 26 de decembro de 2022
Mª Olga Iglesias Fontal
Xefa territorial de Lugo
ANEXO
Resolución da Xefatura Territorial de Lugo da Consellería do Medio Rural pola que se acorda a remisión do expediente administrativo correspondente ao recurso ordinario número 7357/2022 que se segue ante o Tribunal Superior de Xustiza de Galicia, fronte á Resolución do 7 de setembro de 2022, do secretario xeral técnico da Consellería do Medio Rural, ditada por delegación do conselleiro sobre a revisión de oficio relativa ao procedemento de concentración parcelaria de Vilapedre (Vilalba, Lugo) no expediente número STX: RO-MR11/2019, e emprázanse terceiras persoas interesadas no procedemento ordinario.
Mediante oficio do 12 de decembro de 2022, do Tribunal Superior de Xustiza de Galicia, no procedemento ordinario número 7357/2022 orixinado polo recurso contencioso-administrativo interposto por María Silvina Orosa Vázquez, contra a resolución ditada no expediente de revisión de oficio do procedemento de concentración parcelaria de Vilapedre (Vilalba, Lugo), ordenouse á Consellería do Medio Rural que proceda a notificar a resolución que acorde a remisión do expediente administrativo e emprazar cantos resulten interesados no procedemento para que poidan comparecer como demandados.
O acordo de concentración parcelaria da zona de Vilapedre (Vilalba, Lugo) foi declarado acto administrativo firme por resolución da dirección xeral competente con data do 20 de xaneiro de 2014; os predios resultantes deste proceso foron inscritos no rexistro da propiedade e os títulos de propiedade entregados aos seus destinatarios.
Non obstante as pretensións concretas da recorrente en relación cos predios a ela adxudicados, solicítase a declaración de nulidade do acordo de concentración con retroacción de actuacións, polo que todas as persoas físicas e xurídicas afectadas por este procedemento son potenciais interesadas nos termos recollidos no artigo 21 da Lei reguladora da xurisdición contencioso-administrativa.
En virtude de canto antecede, en uso das atribucións conferidas,
ACORDO:
Primeiro. Ordenar a remisión ao Tribunal Superior de Xustiza de Galicia do expediente administrativo correspondente ao recurso interposto por María Silvina Orosa Vázquez, seguido como procedemento ordinario número 7357/2022.
Segundo. Emprazar a todas as persoas interesadas no dito procedemento segundo o previsto no artigo 49 da Lei 29/1998, do 13 de xullo, da xurisdición contencioso-administrativa, co fin de que poidan comparecer como demandadas ante o citado órgano xudicial en legal forma, no prazo de 9 días a partir do día seguinte ao da notificación da presente resolución.
Terceiro. Acordar a notificación desta resolución a través da súa publicación no Diario Oficial de Galicia (DOG) por existir unha pluralidade indeterminada de persoas interesadas no procedemento referido, todo iso de conformidade co disposto no artigo 45, números 1.a) e 3, da Lei 39/2015, do 1 de outubro, do procedemento administrativo común das administracións públicas, e sen prexuízo das notificacións persoais que se consideren procedentes.
