O artigo 15.2 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para lle dar cumprimento a esa obriga,
DISPOÑO:
Artigo único
Dar publicidade da relación dos convenios subscritos pola Secretaría Xeral da Emigración nos meses de setembro, outubro, novembro e decembro do ano 2022, que se incorpora como anexo a esta resolución.
Santiago de Compostela, 5 de xaneiro de 2023
Antonio Rodríguez Miranda
Secretario xeral da Emigración
ANEXO
Convenios de colaboración subscritos pola Secretaría Xeral da Emigración
nos meses de setembro, outubro, novembro e decembro do ano 2022
Título |
Obxecto |
Achega económica da Secretaría (€) |
Data da sinatura |
Addenda ao convenio de colaboración entre a Secretaría Xeral da Emigración da Xunta de Galicia e a Fundación Apoyo a la Ciudadanía Española en Venezuela (FACEV), para a prestación de asistencia socioasistencial especial e sanitaria de emerxencia a persoas de orixe galega residentes en Venezuela. |
Modificar a cláusula terceira para incrementar en 20.000 € a achega económica da Secretaría Xeral da Emigración e ampliar os prazos de xustificación e de vixencia previstos na cláusula sexta e na décimo quinta. |
20.000 € |
14.10.2022 |
Addenda ao convenio de colaboración entre a Secretaría Xeral da Emigración da Xunta de Galicia e a Fundación España Salud (FES) de Venezuela en Caracas, coa finalidade de contribuír á atención das necesidades sociosanitarias e de atención domiciliaria da cidadanía galega residente en Venezuela. |
Modificar a cláusula terceira para incrementar en 25.000 € a achega económica da Secretaría Xeral da Emigración e ampliar os prazos de xustificación e de vixencia previstos na cláusula sexta e na décimo quinta. |
25.000 € |
17.10.2022 |
Convenio de colaboración entre a Secretaría Xeral da Emigración da Xunta de Galicia e a Asociación de Inmigrantes e Retornados Rioplatenses, para o desenvolvemento de accións de información e asesoramento dirixidas a persoas emigrantes retornadas. |
Establecer o marco da colaboración entre as entidades asinantes para o desenvolvemento de accións de información e asesoramento dirixidas a persoas galegas retornadas á Comunidade Autónoma galega. |
5.000 € |
20.10.2022 |
Addenda ao convenio de colaboración entre a Secretaría Xeral da Emigración da Xunta de Galicia e o Hogar Español de Montevideo (Uruguai), para contribuír á atención das necesidades socioasistenciais básicas da cidadanía galega residente en Montevideo. |
Ampliar os prazos de xustificación e de vixencia previstos na cláusula sexta e na décimo quinta. |
Sen achega económica |
21.10.2022 |
Convenio de colaboración entre a Secretaría Xeral da Emigración da Xunta de Galicia e o Centro Cultural y Recreativo Hijos de Galicia, de Montevideo (Uruguai), para obras de reparación da instalación eléctrica. |
Establecer o marco da colaboración entre as entidades asinantes para contribuír ao financiamento das obras urxentes de reparación da instalación eléctrica afectada pola inundación sufrida na sede do Centro Cultural y Recreativo Hijos de Galicia, de Montevideo. |
5.000 € |
21.10.2022 |
Convenio de colaboración entre a Secretaría Xeral da Emigración da Xunta de Galicia e a entidade Xuventude de Galicia-Centro Galego de Lisboa (Portugal), para obras de reforma da explanada dianteira e da rampla lateral da entidade. |
Establecer o marco da colaboración entre as entidades asinantes para contribuír ao financiamento das obras urxentes de reforma da explanada dianteira e da rampla lateral da sede da entidade Xuventude de Galicia-Centro Galego de Lisboa. |
29.500 € |
21.10.2022 |
Convenio de colaboración entre a Secretaría Xeral da Emigración da Xunta de Galicia e a entidade Xuntanza de Asociacións Galegas de Cataluña, para a celebración dos actos conmemorativos dos 50 anos da emigración en Cataluña. |
Establecer o marco de colaboración entre as entidades asinantes para a concesión dunha subvención destinada a contribuír ao financiamento do custo da celebración da gran gala de teatro musical «Unha Xeración. Dous Mundos», de homenaxe á Galicia en Cataluña, 50 anos de galeguidade comprometida (1970-2020). |
20.000 € |
26.10.2022 |
Segunda addenda ao convenio de colaboración entre a Secretaría Xeral da Emigración da Xunta de Galicia e o Hogar Español de Montevideo (Uruguai), para contribuír á atención das necesidades socioasistenciais básicas da cidadanía galega residente en Montevideo. |
Modificar a cláusula terceira para incrementar en 35.000 € a achega económica da Secretaría Xeral da Emigración. |
35.000 € |
10.11.2022 |
Convenio de colaboración entre a Secretaría Xeral da Emigración da Xunta de Galicia e a Hermandad Gallega de Venezuela, para a adquisición de medicamentos destinados ás persoas galegas residentes en Venezuela. |
Establecer o marco da colaboración entre as entidades asinantes para articular o financiamento dos servizos de distribución de medicinas e demais produtos farmacolóxicos entre os galegos e galegas residentes en Venezuela en situación de discapacidade ou con algún tipo de enfermidade. |
50.000 € |
28.11.2022 |