Na Sala do Contencioso-Administrativo, Sección Primeira, do Tribunal Superior de Xustiza de Galicia, tramítase o recurso 361/2022 (procedemento ordinario), interposto por Julio de la Cruz Álvarez contra a Resolución do 13 de xuño de 2022, da Dirección Xeral de Recursos Humanos, pola que se fan públicos os acordos dos tribunais que xulgan o proceso selectivo para o ingreso en diversas especialidades da categoría de facultativo/a especialista de área, convocado pola Resolución do 13 de decembro de 2019, relativos á baremación definitiva da fase de concurso e á publicación dos/das aspirantes seleccionados/as, así como contra a desestimación presunta do recurso de alzada interposto contra a mesma (especialidade de medicina interna) (DOG núm. 119, do 22 de xuño).

O recorrente non está de acordo coa puntuación obtida na epígrafe de docencia, investigación e innovación sanitaria.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove (9) días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 27 de decembro de 2022

Ana Mª Comesaña Álvarez
Directora xeral de Recursos Humanos