De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de intentada a notificación persoal nos termos establecidos no artigo 42.2 da dita Lei 39/2015, emprázanse as persoas interesadas que se sinalan no anexo para seren notificadas por comparecencia.

Os actos foron adoptados polo director xeral do Instituto Galego da Vivenda e Solo.

A comparecencia para coñecer o contido íntegro do dito acto deberá efectuarse no prazo de dez días, contados desde o seguinte ao da publicación deste anuncio, na xefatura da Área Provincial do Instituto Galego da Vivenda e Solo, rúa Sáenz Díez, nº 1, Ourense, das 9.00 ás 14.00 horas, de luns a venres.

Dada a situación actual ocasionada pola COVID-19, a comparecencia solicitarase a través do seguinte correo electrónico: cita.igvs.ourense@xunta.gal

A eficacia deste anuncio queda supeditada á publicación no taboleiro de edictos único (TEU) do Boletín Oficial del Estado.

Transcorrido o dito prazo sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

Ourense, 19 de decembro de 2022

A xefa da Área Provincial de Ourense
P.S. (Resolución do 21.11.2022)
María Ángeles Mosqueira Vidal
Xefa do Servizo Técnico

ANEXO

Expediente	DNI/NIE	Acto obxecto de notificación
VI482F3200029	40561988Q	Resolución de denegación da axuda do bono de alugueiro social
VI482F3200045	44465484K	Resolución de desistencia tácita da solicitude do bono de alugueiro social
VI482F3200052	45140328E	Resolución de desistencia tácita da solicitude do bono de alugueiro social