Visto o expediente para o outorgamento da autorización administrativa previa e autorización administrativa de construción para a instalación eléctrica que a seguir se describe:

Solicitante: Central Eléctrica Sestelo y Compañía, S.A.

Domicilio social: Virxe da Luz, 3, baixo, 36860 Ponteareas.

Denominación: LMTA de derivación Puzo Fábrica-O Calvar-Lira-Puzo recta.

Situación: Ponteareas.

Características técnicas:

• LMT aérea a 20 kV de derivación a Puzo Fábrica: 463,82 metros; condutor: LA-78; orixe: apoio 4ES1869; final: apoio 4ES0513.

• LMT aérea a 20 kV de subderivacion Puzo recta: 115,17 metros; condutor: LA-56; orixe: apoio 4ES1871 da liña de derivación a Puzo Fábrica; final: apoio 4ES1931 da liña de derivación a Puzo recta.

A instalación está situada en San Mateo de Oliveira, no concello de Ponteareas.

Consideracións legais:

A Xefatura Territorial de Pontevedra é competente para resolver este expediente con fundamento no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación (DOG núm. 126, do 4 de xullo) e no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro).

Polo que antecede, cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 5/2017, do 19 de outubro, de fomento da implantación de iniciativas empresariais en Galicia, DOG núm. 203, do 25 de outubro, esta xefatura territorial

RESOLVE:

Outorgar á empresa Central Eléctrica Sestelo y Compañía, S.A. a autorización administrativa previa e a autorización administrativa de construción para a devandita instalación, cuxas características se axustarán en todas as súas partes ás que figuran no proxecto de execución e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.

Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra esta resolución, que non é definitiva en vía administrativa, cabe interpoñer recurso de alzada ante o vicepresidente primeiro e conselleiro de Economía, Industria e Innovación da Xunta de Galicia no prazo dun mes, contado a partir do día seguinte ao da notificación ou publicación desta resolución, conforme o establecido no artigo 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Pontevedra, 25 de novembro de 2022

Tomás Nogueiras Nieto
Xefe territorial de Pontevedra