Visto o expediente para outorgamento da autorización administrativa previa e da autorización administrativa de construción das instalacións eléctricas que a seguir se describen, tal e como se recollen no proxecto asinado polo enxeñeiro técnico industrial Jorge Ferreirós Lama, colexiado número 125 do COITI Ourense, con visado número V220436 do 13.10.2022 do sinalado colexio profesional.

Solicitante: Promociones Inmobiliarias Porta Vixía, S.L. co CIF B32320665.

Enderezo: rúa Cardenal Quiroga, nº 13, 1º, 32003 Ourense.

Denominación: LMT, CT e RBT avenida de Santiago, nº 157, Ourense.

Situación: concello de Ourense.

Orzamento: 52.209,30 € execución material.

Características técnicas:

– LMTS con E/S en CT proxectado, de 97 m de lonxitude en condutor tipo RHZ1-12/20 kV 3×1×240 mm² Al, con orixe na LMT subterránea VLL809 de distribución ao CT avenida de Santiago 140, e final na cela de liña do CT proxectado e no CT avenida de Santiago III (32CB41).

– CT avenida Santiago 157, compacto telecontrolado por GPRS -2L1P- telexestionado de 250 KVA de potencia aparente, 20 KV, sen envolvente e manobra exterior. Illante aceite mineral.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Resolución da Consellería de Economía e Industria, do 19 de febreiro de 2014, pola que se aproba o procedemento de autorización administrativa de construción (DOG núm. 54, do 19 de marzo), así como na Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro), esta xefatura territorial

RESOLVE:

Conceder a autorización administrativa previa e a autorización administrativa de construción das devanditas instalacións, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten de aplicación e en especial as relativas á ordenación do territorio e ao ambiente.

As instalacións deste proxecto son de cesión obrigatoria para formar parte da rede de distribución, polo que os trámites de autorización de explotación e posta en servizo serán realizados directamente coa empresa distribuidora, seguindo para iso o procedemento previsto no artigo 132 do citado Real decreto 1955/2000, do 1 de decembro.

O prazo de posta en marcha das instalacións que se autorizan será seis meses, contado a partir da data da última autorización administrativa necesaria para a súa execución.

Contra esta resolución, que non é definitiva na vía administrativa, cabe interpor recurso de alzada ante o vicepresidente primeiro e conselleiro de Economía, Industria e Innovación no prazo dun mes, contado a partir do día seguinte ao da notificación ou publicación desta resolución, conforme o establecido no artigo 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Ourense, 14 de decembro de 2022

Alicia María López Míguez
Xefa territorial de Ourense