Logo de solicitude do concesionario Club Náutico Deportivo de Riveira, a presidenta de Portos de Galicia acordou o día 21 de maio de 2020 iniciar o trámite de modificación, por ampliación de prazo extraordinario e prórroga, da concesión outorgada ao Club Náutico Deportivo de Riveira para a construción e explotación de instalacións para a navegación recreativa no porto de Ribeira.
Para poder xustificar a ampliación de prazo extraordinario e prórroga, o concesionario acreditou a realización dunha serie de investimentos e propón a realización doutros no futuro.
En cumprimento do disposto no artigo 70.2 da Lei 6/2017, do 12 de decembro, de portos de Galicia, faise público, para que as persoas e entidades interesadas poidan examinar o expediente e presentar por escrito as alegacións que consideren oportunas na sede electrónica da Xunta de Galicia, https://sede.xunta.gal/portada, usando o procedemento xenérico PR004A, ou nun rexistro habilitado para o efecto, no prazo de vinte (20) días hábiles, contados a partir do seguinte ao de publicación deste anuncio no Diario Oficial de Galicia.
Santiago de Compostela, 22 de novembro de 2022
Susana Lenguas Gil
Presidenta de Portos de Galicia