Ao non ser posible a práctica da notificación ao titular da referencia catastral que se relaciona a continuación por causas non imputables a esta Administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, procede a notificación mediante anuncio no Boletín Oficial del Estado e no Diario Oficial de Galicia, co fin de que no prazo de quince (15) días naturais, que comezará a contar desde o día seguinte ao da publicación do presente edicto no Boletín Oficial del Estado, os interesados no procedemento xestionen a biomasa vexetal e retiren as especies arbóreas prohibidas, segundo o establecido no artigo 21 da Lei 3/2007, do 9 de abril, de prevención e defensa contra os incendios forestais de Galicia, e a súa modificación mediante a Lei 9/2017, do 26 de decembro, de medidas fiscais e administrativas.

En caso de incumprimento, poderase proceder á execución subsidiaria con repercusión dos custos de xestión da biomasa e, de ser o caso, ao comiso das especies arbóreas prohibidas retiradas pola Administración, nas condicións establecidas no artigo 22 da devandita Lei 3/2007. Todo isto sen prexuízo da instrución do procedemento sancionador que corresponda.

Ponse en coñecemento da persoa responsable que o contido íntegro da citada notificación, así como da totalidade do expediente administrativo, están á disposición dos interesados para o seu exame e coñecemento nas dependencias de Urbanismo do Concello de Viveiro, das 9.00 ás 14.00 horas, os días laborables, de luns a venres.

Núm. expediente	Referencia catastral	Situación	NIF do titular catastral
8549/2022	27067A022001230000XYP (polígono 22, parcela 123)	Escourido, Covas, Viveiro (Lugo)	López Riveira, Emilio (descoñécese NIF)

Viveiro, 23 de novembro de 2022

María Loureiro García
Alcaldesa