A Dirección de Augas de Galicia ditou resolucións dos expedientes administrativos de autorización de usos privativos por disposición legal, coas claves que se indican no anexo a este anuncio.

Intentadas as notificacións das resolucións por correo certificado, con xustificante de recepción, nos domicilios que constan nos correspondente expedientes, estas foron devoltas polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas (en diante, LPAC), as notificacións efectúanse por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse as resolucións ditadas ás persoas interesadas.

Infórmase ás persoas interesadas que, en virtude do artigo 46 LPAC, estas poderán comparecer, no prazo de dez días hábiles contado desde o seguinte ao da publicación deste anuncio no BOE, para o coñecemento íntegro do acto que se notifica e constancia de tal coñecemento, nas oficinas de Augas de Galicia, situadas na praza Camilo Díaz Baliño, 7-9, 15781 Santiago de Compostela, das 9.00 ás 14.00 horas, de luns a venres, con cita previa.

Santiago de Compostela, 25 de novembro de 2022

Teresa María Gutiérrez López
Directora de Augas de Galicia

ANEXO

Detalle das autorizacións de usos privativos por disposición legal
resoltas con notificación infrutuosa

Expediente clave	DNI/NIE interesado	Data da resolución	Sentido da resolución
DH.B36.71296	X7687610K	22.3.2022	Favorable
DH.B36.66368	35290220D	4.3.2022	Favorable
DH.B36.80027	35358031Q	4.5.2022	Favorable
DH.B15.63711	33216778V	12.5.2022	Desistencia
DH.B36.76362	53177877Z	19.9.2022	Favorable