De conformidade coa proposta elevada polas comisións nomeadas para xulgar os concursos para a provisión de prazas dos corpos docentes universitarios, convocados mediante a Resolución desta universidade do 5 de xullo de 2022 (BOE do 18 de xullo), e presentada polas persoas interesadas a documentación a que fai referencia a base novena da convocatoria, esta reitoría, en uso das atribucións conferidas polo artigo 65 da Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril (BOE do 13 de abril), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolve efectuar os nomeamentos das persoas que se relacionan no anexo.

Os citados nomeamentos producirán plenos efectos a partir da correspondente toma de posesión polas persoas interesadas, que deberá efectuarse no prazo máximo de 20 días, contados desde o día seguinte ao da publicación de esta resolución no Boletín Oficial del Estado.

Contra esta resolución, que pon fin á vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses, contados desde o seguinte ao da súa publicación no Boletín Oficial del Estado de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición no prazo dun mes ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 29 de novembro de 2022

Antonio López Díaz
Reitor da Universidade de Santiago de Compostela

ANEXO

Nº concurso	Nome	Apelidos	DNI	Corpo docente	Área de coñecemento	Departamento	Localidade	Código praza
102T/22	María Inmaculada	Valeije Álvarez	***4526**	Profesor/a titular de universidade	Dereito Penal	Dereito Público Especial e da Empresa	Santiago de Compostela	C01932
106T/22	Manuel	González López	***9319**	Profesor/a titular de universidade	Economía Aplicada	Economía Aplicada	Santiago de Compostela	C01936
107T/22	Gonzalo	Rodríguez Rodríguez	***6042**	Profesor/a titular de universidade	Economía Aplicada	Economía Aplicada	Santiago de Compostela	C01937
116T/22	Abraham Antonio	Gallas Torreira	***9013**	Profesor/a titular de universidade	Física Atómica, Molecular e Nuclear	Física de Partículas	Santiago de Compostela	C01895
121T/22	Julia María	Crespo Comesaña	***8078**	Profesor/a titular de universidade	Didáctica e Organización Escolar	Pedagoxía e Didáctica	Santiago de Compostela	C01947
122T/22	María Dolores	Fernández Tilve	***1744**	Profesor/a titular de universidade	Didáctica e Organización Escolar	Pedagoxía e Didáctica	Santiago de Compostela	C01948
123T/22	Josefa del Carmen	Fernández de la Iglesia	***9773**	Profesor/a titular de universidade	Didáctica e Organización Escolar	Pedagoxía e Didáctica	Santiago de Compostela	C01949
124T/22	Laura María	Varela Crespo	***6448**	Profesor/a titular de universidade	Teoría e Historia da Educación	Pedagoxía e Didáctica	Santiago de Compostela	C01950
125T/22	Mónica	Alzate García	***9455**	Profesor/a titular de universidade	Psicoloxía Social	Psicoloxía Social, Básica e Metodoloxía	Santiago de Compostela	C01951