Mediante a Resolución da Alcaldía do Concello de Guntín do 14 de novembro de 2022, pola que se aproban as bases e a convocatoria para cubrir as seguintes prazas: un/unha técnico/a de explotacións agrícolas, tres auxiliares de axuda a domicilio e un/unha peón/peoa limpador/a de edificios municipais, polo procedemento de concurso de méritos.
No Boletín Oficial da provincia de Lugo núm. 262, do mércores 16 de novembro de 2022, aparecen integramente publicadas as bases da convocatoria para cubrir as seguintes prazas: un/unha técnico/a de explotacións agrícolas, tres auxiliares de axuda a domicilio e un/unha peón/peoa limpador/a de edificios municipais, polo procedemento de concurso de méritos, e cuxas características son:
Denominación do posto: técnico/a de explotacións agrícolas.
Subgrupo: A2.
Escala: técnico/a medio/a.
Titulación académica: enxeñeiro/a técnico/a agrícola, enxeñeiro/a agrónomo/a ou equivalente en grao.
Núm. de vacantes: 1.
Denominación do posto: auxiliar de axuda a domicilio.
Subgrupo: agrupación profesional.
Escala: servizos especiais.
Titulación académica: certificado de profesionalidade de auxiliar de axuda no fogar ou certificados de profesionalidade que son válidos para institucións.
Núm. de vacantes: 3.
Denominación do posto: peón/peoa limpador/a de edificios municipais.
Subgrupo: agrupación profesional.
Escala: servizos especiais.
Titulación académica: certificado de escolaridade ou superior.
Núm. de vacantes: 1.
O prazo de presentación de solicitudes será de vinte días naturais contados desde o día seguinte ao da publicación deste anuncio no Boletín Oficial del Estado.
Os sucesivos anuncios desta convocatoria, cando procedan de conformidade coas bases, publicaranse no Boletín Oficial da provincia de Lugo, no taboleiro de edictos e na páxina web do Concello de Guntín (www.guntin.es).
Guntín, 17 de novembro de 2022
María José Gómez Rodríguez
Alcaldesa