No Xulgado do Contencioso-Administrativo número 2 de Ourense, tramítase o recurso 254/2022-B (procedemento abreviado), interposto por Mª de los Ángeles Villarino Alonso contra a Resolución do 23 de febreiro de 2022 da Dirección Xeral de Recursos Humanos, pola que se acorda desestimar a súa solicitude de inclusión nas listaxes de aspirantes a vinculacións temporais na categoría de técnico/a en coidados auxiliares de enfermaría, mantendo os efectos da Resolución do 17 de outubro de 2018 pola que se lle excluíu definitivamente delas.
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 16 de novembro de 2022
Ana Mª Comesaña Álvarez
Directora xeral de Recursos Humanos