Mediante o Acordo do 14 de outubro de 2022, da Xefatura Territorial de Ourense, foi sometida a información pública a solicitude das autorizacións administrativas previa e de construción e da declaración de utilidade pública, en concreto, dunha instalación eléctrica no concello do Barco de Valdeorras (expediente IN407A 2022/174-3), o cal foi publicado no DOG do 8 de novembro de 2022, realizouse ao mesmo tempo a notificación aos particulares afectados.
De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, mediante este anuncio emprázanse os titulares dos predios que se relacionan no anexo para seren notificados por comparecencia, por non ter sido posible efectuar a notificación prevista na citada norma.
Os interesados, ou os seus representantes, deberán comparecer no prazo de dez días, contados a partir do día seguinte ao da publicación deste anuncio no taboleiro de edictos único (TEU) do Boletín Oficial del Estado, nas dependencias da Xefatura Territorial da Vicepresidencia Primeira e Consellería de Economía, Industria e Innovación en Ourense, na rúa Curros Enríquez, nº 1-3º (Servizo de Enerxía e Minas), das 9.00 ás 14.00 horas, de luns a venres. A eficacia deste anuncio queda supeditada á súa publicación no TEU.
Transcorrido o dito prazo sen se efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.
Ourense, 10 de novembro de 2022
Alicia María López Míguez
Xefa territorial de Ourense
ANEXO
Relación de afectados descoñecidos, de domicilio ignorado ou non notificados
Núm. de expediente: IN407A 2022/174-3.
Solicitante: UFD Distribución Electricidad, S.A.
Denominación da instalación: instalación de interruptor TC na LMTA BDV705-apoio núm. D22.
Termo municipal: O Barco de Valdeorras.
Predio núm. en proxecto: 1.
Lugar: As Gulpilleiras.
Cultivo: viñedo.
Titular: descoñecido.
Afeccións: apoio núm. D21, ocupación de 2 m2.
Predio núm. en proxecto: 2.
Lugar: Mosteiros.
Cultivo: viñedo.
Titular: herdeiros de Eliseo Blanco Carracedo.
Afeccións: apoio núm.: D22, ocupación de 2 m2.
